ادخل بسرعة واعطينا رايك موضوع هام !!!!!!!

انا حبيت اخد رايكم في الموضوع ده لانه اصبح منتشر جدا
بس لو سمحتو تقولو رايكم بجد وبصراحة
مين الي بيقيد الصداقة بين الشباب والبنات
واذا موافق او رافض تقول السبب
وشكرا
مستنية ردودكم

تسلمى على موضوعك الجميل
انا مش معاه الصداقه ديه ابدا لان انا شيفه انها صداقه غير متوافقه وعمرها ماتستمر فتره طويله وفى اغلب الاحيان بتقلب حاجه تانيه لان احنا بشر
وكمان البنات مليه الدنيا ايه اللى يخلينى بقى افكر فى صديق ولد
وكمان دينا وتربيتنا عمرها ما تسمح بكده
معلشى طولت علكى ياقمر وديه وجهه نظرى
وتسلمى على الموضوع

معقولة مشرفة القسم مرة وحده انت نورتيني وعيب متقوليش كده ولا طولتي عليا ولا حاجة
بالعكس انا سعيدة بيكي جدا
وبشكرك على رايك وردك
وبصراحة ولا اقولك بلاش انا مش حقول رائي الا بعد مالكل يقول رايه
بشكرك بجد ومعلش انا الي طولت عليكي

مش عارف ازاي المشرفه الي ف الاول بتقول كده ليه هي عندها عقده من الصبيان
بس لكل شئ نفعه وضررة وان عشان زي ما قالت انها تختار اصحاب بنات ها تكون ب كده خسرت النص التاني ف الدونيا وهو الجنس الخشن ،لان الحياة تبادل بين الجنسين مش اعتماد ع جنس واحد يعني من الاخر ان الجنسين بيعتمدوا ع بعض ف علاقات كتير اكيد عرفتوا اني بايد الصداقه بين الجنسي بس ف حدود لان لازم من وجود الخط الاحمر

كرا لمشاركتكم جميعا ولدخولكم الي موضوعي
وانا برده حستنى لغاية مالكل يقول رايه
وانا لو تلاحظو انا قولت في البداية ان كل واحد حر في ابداء رايه ملوش دخل براي حد تاني ولا يتكلم عليه عشان ميبقاش في زعل
وشكرا لامير الاحزان المراقب العام
والاستاذ سمسم
وحضرت المدير
اسفة اني طولت عليكو
ومستنية باقي الردود

اولا شكرا لردك ومشاركتك يا احمد
و احنا عوزين نعرف وجهة نظرك انت
ولازم كل الاعضاء يدخولو يدو رايهم
شكرالردودكم

شكرا على الموضوع الرائع وفعلا هو مهم

بس انا رأي مشابه مع رأي امير الحزان

وتقبل مروري..

اولا بشكرك جدا لمرورك ورايك يا هدى

اما انت بقى يا حضرة المشرف المتمكن فبجد قولت الحقيقة ووضحت نقطة الضعف الي فينا
والنقط والاسلوب الي بناخده عشان نحلل كل حاجة بنعملها
وبشكرك بجد على رايك
وفعلا رائع
ومفيش ايطالة ولا حاجة ياحضرت المشرف المتمكن
وعوزة راي باقي الاعضاء

بالنسبة لموضوع الصحوبية
فهو كما نعلم مرقفوض تماما من الناحية الدينية كما نعلم جميعا
ولا مجال للجدال في هذا الناحية
أما بالنسبة لنا اجتماعيا فمصر
فلأسف كاما قال بعض الأخوة جرت العادات على الاختلاط
وعدم مراعاة الفروق بين الشاب والفتاة




بصراحة واحد زميلي قالها لي حكمة

يوم ما تفكر تمشي مع بنت روح أدي أختك لأخوها عشان تبقي بصرة و عشان ما يبقاش فيها حاجة بالنسبالك

بصراحة علي ماقد الكلمة حرقتني جدا و كمان ماليش اخوات بنات الا انني حسيت بيها
جدا و عمري ما افكر في الموضوع ده


أنا باقول لأي شاب بيمشي مع بنات لو شفت أختك أو أمك ماشيه مع راجل غريب إيه شعورك ؟!!!!!!!!!!!!!
ياريت ما تتهورش في الموقف ده و خليك هادي جدا لأن الموضوع صحوبية مش أكتر
مش كده و لا إيــــــــــــــــــــــــــــــــــــــــــــــــــــه!!!!!!!!!!!!!!!!!!!!!!!!!!







بصراحه ده راي شخص عجبني حبيت انقله لانه راي انا كمان

انا بحيكي بجد يامنى وانا معاكي
وياريت الشباب يردو على السؤال ونشوف الاراء

بجد الموضوع حلوجدا
وانا رأيي ان مفيش حاجة اصلا اسمها صداقة بين ولد وبنت
لا الدين ولا العادات تسمح وكمان مهما يكونوا قريبين من بعض برده هيكون فيه دائما حاجز بينهم عشلن مفيش حاجة اسمها صداقة بين ولد وبنت ده كلة تزيين شيطان
اللهم اهدي شباب وبنات المسلمين الي ماتحب وترضي

انا مبدئيا مش بايد الصداقه بين الولد والبنت بس عايزه اقول حاجه تانيه مش معنى كده انقطاع كل منهم عن الاخر ولكن الادب والاحترام لازم يكون موجود لو الظروف حمكت بالاختلاط وتقبلو مرورى

جماعه انا مش معاكم خالص
في الراي
اولا كلنا شباب جامعي صح
يعني كل الولاد ليهم اصحاب بنات و العكس صحيح
بس في حاجه تفرق ( البنت بتجبر الواد علي احترامها ) مثال صغير في بنات محترمه كتير مش بتسلم علي الصبيان بالايد بنات تانيه خالص هزارهم مع الصبيان كانها واحده صحبتها
انا مش ضد الصداقه بين الولد و البنت بس تكون بحدود
و متتعداش الادب
و كمان في ناس كتير صبيان ليهم اصحاب بنات و بتعزهم معزه الصحوبيه و بتحكيلهم كل حاجه اكتر من اصحابه الصبيان
اهم حاجه التعامل يكون بحدود
و ده رأي يا شباب
و اختلاف الاراء لا يفسد للود قضيه و تقبلي مروري نيو لاف

السلام عليكم

أنا ملاحظ إن موضوع الصداقة بين الولد و البنت إتعالج فى مواضيع كتير داخل المنتدى و لكن بردو أنا هاقول رأيى

أنا مع كامل إحترامى لكل الأعضاء و من غير زعل من أى حد و كمان من غير إنتقاد من أى حد . أنا طول عمرى بقول إنى
راجل
مسلم
شرقى
عربى
مصرى
صعيدى

شوفوا إنتوا بقى واحد بيجمع بين كل الصفات اللى فاتت دى ممكن يكون رأيه عامل إزاى

طبعاً أنا أرفض تماماَ فكرة الصداقة بين الولد و البنت بل و الأكثر من ذلك أنا أرفض أصلاً فكرة الإختلاط بين الولد و البنت سواء فى مجال الدراسة أو فى مجال العمل أو بأى صورة من الصور و من غير ما حد مايقول إنى متخلف و إنسان رجعى و مش قادر أتطور مع تطور الزمن اللى إحنا عايشين فيه دلوقت . فلو كان التطور و مواكبة العصر بالحاجات دى يبقى أنا الحمد لله ليا الشرف إنى أبقى متخلف ورجعى

والله الغنى عن التطور و التقدم إذا كانوا بيتحسبوا بالطريقة دى.
و أكيد مش يخفى عنكم كلكم ‘ن الحالة اللى وصل ليها الشباب و البنات اليومين دول من فساد أخلاقى وما إلى ذلك من غير الدخول فى تفاصيل هى النتيجة الطبيعية للتقدم و التطور و الإختلاط المستمر بين الولاد و البنات .

أسف جداً للإطالة بس حبيت أوضح رأيى بالتفصيل .

بشكرك يا ميكي ويا منار على ردودكم الرائعة واهلا بيك في المنتدى

اولا انا مش عوزة حد يزعل
وانا قلت ان كل واحد حر في ابداء رايه
وانا بشكرك على مرورك يا 3amr ma7mmed
وعلى ردك وشرفت منتدانا

برحب بالطالب الجديد وفعلا رايك جامد جدا يا درش
بس انا عوزة اسال سؤال ازاي حنمنع الاختلاط اذا هو ده الواقع الي حولينا والي عيشينه
ممكن واحد يجي يقول ان البنات ميكنش ليها تعليم وتعد في البيت صح
وده عشان يحل حاجة يقضي على حق المساكين الي تعبو وبعد كده يعدو في البيت
وعلى فكرة انا محترمة راي حضرتك جدا ومهوش راي رجعي ولا حاجة بالعكس لو الكل بيفكر بالتفكير ده كان زمنا عيشين في سلام مفيش الحوادث الي بنسمع عنها ولا اي حاجة ولا الي بيحصل في الكليات والضحك والهزار وده كله
بجد خلاص الحياء انتهى
وبعدين مفيش تطويل ولا حاجة يا درش
انا الي اسفة اني طولت عليك بس بجد الرد رائع
وشكــــــــــــــــــــرا

شكراً على الترحيب يا newlove
أما بقى لفكرة إزاى نمنع الإختلاط فدى بقى سهلة إنه فى سنوات و مراحل التعليم المختلفة يكون فى فصل فى مدارس و كليات التعليم مابين الولاد و البنات و بيتهيألى إن التعليم الأزهرى بيطبق النظام ده .إيه بقى المشكلة لما كل أنظمة التعليم فى الدولة تمشى بنفس النظام و بردو بالطريقة دى البنت تقدر تكمل تعليمها لأقصى درجات هى عاوزاها زيها زى الولد بالظبط . أما بقى بخصوص مجالات العمل . فأنا مقتنع بمبدأ معين وهو إن البنت أعظم عمل ليها فى الحياة هو إنها تكون زوجة صالحة و أم مثالية و أن تكون قادرة على إسعاد زوجها و تربية أولادها نربية سليمة و أظن إن دى أعظم رسالة لها فى الحياة . و طالما أن الزوج قادر على تحمل مسئولية البيت من نفقات فلا داعى لنزول المرأة للعمل إلا فى حالات الضرورة القصوى كأن يتوفى زوجها مع عدم وجود عائل لها و لأولادها فعليها بالنزول للعمل لكى تواصل مشوار الحياة أو أن تكون مطلقة مثلاً و لا يوجد من يتحمل مسئوليتها أو أن يتوفى والد البنت و لا يوجد عائل غيره فى البيت أو ماشابه ذلك من ظروف حتمية تفرض على البنت أو الزوجة النزول إلى العمل . و لكن للأسف . الأن أصبحت القاعدة الأساسية لدى البنات هى العمل من أجل أهداف أخرى لا داعى لذكرها .و أصبح الوضع أن 95% من البنات أو الزوجات لا يعملون نظراً للظروف القهرية السابق ذكرها و إنما يعملون لأسباب أخرى كلنا نعلمها سواء كانت لزيادة الدخل أو البحث عن إبن الحلال أوللشعور بالمساواة مع الرجل أو ما إلى ذلك .
معلش أنا طلعت برة الموضوع الأساسى و هو الصداقة بين الولد و البنت و لكن ده بس علشان أجاوب على السؤال بتاع إزاى نمنع الإختلاط بين الولاد و البنات . و أظن كده هنبقى قدرنا على قدر المستطاع إننا حتى نقلل من درجة الإختلاط لأقل درجة ممكنة

و بردو أحب أسمع الرد و التعليق من newlove

وشكراً للمتابعة و الإهتمام

انا بعتذر لحضرتك على تاخري في الرد
وانا فعلا مع حضرتك بس
بس مهما ان كان عشان البنت تحس انها تعبت وتحس بكاينها بتحب انها تشتغل وتخلص لعملها وشغلها
وده طبعا بيكون في حالة عدم وجود مسؤليات عليها او انها تقدر توفق بين بيتها وشغلها واهم حاجة انها متاصرش في واجبات بيتها
ولكن بالنسبة للانفصال بين البنات والشباب في الكليات على ما اعتقد انه صعب يعني صعب ان احنا نغير قواعد وضعتها الدولة وانفرضت علينا احنا ممكن ان يكون في انفصال في المدارس وحتى لغاية ثانوي بس معتقدش ان في الكيات فيه وبصراحة انا بتمنى ان يكون في انفصال ونغير الي حولينا بجد للاحسن
وانا بشكر حضرتك جدا لمناقشاتك ومعلوماتك الي بتفيدنا
ومفيش خروج عن الموضوع ولا حاجة بالعكس انا اتشرفت برد حضرتك ومعلوماتك
وانا اسفة اني طولت على حضرتك
واتمنى قبول ردي

السلام عليكم ورحمة الله وبركاته

بداية جزاك الله كل خيرا نيو لاف على اثارة هذا الموضوع الاكثر من هام وفي راي انا مع منى والاخ درش فباسم الله ما شاء الله لا حول ولا قوة الا بالله هو فعلا الرأي الصواب م وجهة نظري واريد ان الفت النظر الى رد حضرتكم بالنسبة لتوفيق المرأة بين عملها والبيت هذا ليس حقيقيا وان كان حقيقيا فهناك معادلة انا عن جد مقتنعة بها وهي ان المراة بين ثلاث امور البيت العمل ونفسها فهي ان نجحت في احدهم ستقصر في الاخر اي سيطغى احدهم على الاخر فاعرف اناس ناجحين في العمل والبيت ولكن اتعبت اعصابهم من كثرة الضغط عليهم لذا فسبحان الله لنتامل قول الله تعالى "وقرن في بيوتكن ...." ما شاء الله بصدق اخواتي لو فهمنا ديننا بحق ولو كان هو همنا فقط والله العلي العظيم الذي لا اله الا هو سنعيش في سلاااااااااااام تااااااام وفي حياة هنيئة جداااااا لا اعرف كيف اصفها لكم لكن لكم انت تتخيلوها كما اريد ان اذكركم بحديث الرسول صلى الله عليه وسلم "يأتي على الناس زمان فيه القابض على دينه كالقابض على الجمر"فها هو هذا الزمان احبتي في الله وها هي فرصتكم
عذرا على الاطالة والازعاج لكم بكلامي