جاوب بصراحة

السلام عليكم

سمسومه يا قمر

طول عمرك بتنخربى جوه كل واحد فينا و دايماً بتدورى على الحاجات المستخبيه و بتحاولى تطلعيها

و دايما بتنجحى كل مره علشان مواضيعك كلها بتبقى جايه فى الصميم

شكرا ليكى يا سمسمه على هذا المجهود و على الموضوع الرائع ده


بصى بقى أنا عديت ف حياتى بأربعة مراحل من التغيير

أول مرحلة و دى مرحلة السكون و هى المرحلة لغاية ما خلصت دراسه

و دى مرحلة روتينية جدا كل الناس بتعدى عليها و بتاخد وقتها و بتعدى

المرحلة التانية كانت أصعب مرحلة عديت بيها فى حياتى و هى مرحلة بداية الإبتلاء بالمرض

و المرحلة دى خدت من عمرى كذا سنه قافل على نفسى تماما و ده من أثر الصدمه و لكن الحمد لله بعد مرور 3 أو 4 سنين . إبتديت أرجع للدنيا تانى و ده بعد ما بقيت متعود على المرض وزى ما بيقولوا . إتصاحبت عليه و بقينا أنا و هو زى السمن على العسل و مش بقى يفرق موضوع المرض ده أى حاجة.

المرحلة التالته فى حياتى هى المرحلة اللى قابلت فيها الإنسانه الوحيده اللى روحى إتعلقت بيها .

و المرحلة دى بردو كانت صعبة عليا قوى . لأن اللى ف ظروفى مش من المفروض عليه إنه يسمح لنفسه إنها تتعلق بأى حد . و لكن للأسف الأمر ده ماكانش بإيدى . دى حالة و أنا عشتها لوحدى و مع نفسى لأنه الموضوع ده الطبيعى جدا إنه يقابل بالرفض التام سواء من هذه الإنسانه نفسها أو من قبل أهلها .وعلى فكرة ما كانش فى أى ظلم وقع عليا فى الموضوع ده لأن كل الأطراف كانت واضحه من البدايه . لكن هنعمل إيه . النفس و ما تهوى.............

المهم الفترة دى خدتلها معايا حوالى سنتين لغاية ما ربنا عفى عنى و قدرت أطلع من الحالة دى على خير.

أما المرحلة الرابعة و هى أهم مرحلة لأنها هى المستمرة معايا لغاية دلوقتى و هى مرحلة الرجوع إلى الله عز و جل و التقرب إليه . و ربنا يديم عليا النعمة دى و يحفظها من الزوال
فعلا التقرب من ربنا سبحانه و تعالى بيخلى الواحد حاسس براحه نفسيه جامده جدا

بس يا ستى . معلش طولت عليكى لكن موضوعك جميل و بيخلى الواحد بيكتب كل حاجة من غير ما يحس بنفسه

لكن أنا ليا سؤال .؟؟؟؟؟؟؟؟؟

و إنتى يا سمسمه إيه الحاجات اللى أثرت فى حياتك ؟؟؟؟؟؟؟؟؟؟

واللا إنت بتكتبى الموضوع و مش بتشاركى فيه ؟؟؟؟؟؟؟؟؟؟؟؟؟؟؟؟؟؟

الحقيقة يا جماعة وهكون صريحة مش حاسة خالص باى تغير فى شخصيتى
درش كلامك بجد مؤثر اوى وانا معاك لازم اسماء تشارك

تسلمى ياسمسمايه ياقمر
استاذى فى اعدادى هو صاحب الفضل بعد ربنا فى اللى وصلتله فى حب الناس والتفكير الصحيح واحترام ذاتى والاخرين
تسلمى ياقمر على موضوعك الجميل

موضوعك جميل اوى يا سمسمة

انا اول تغير حصلى لما حولت من جامعة لجامعة وضيعت سنة من عمرى

التانية شخص حبيتوة واقدر اقول غدر بيه او حصل منه مواقف مكنتش اتوقعها ده خلانى مثقش فى اى حد بسهولة ولازم اكون حريصة على كلامى مع اى شخص

التالتة هو اصحابى بحس ديما معاهم بالامان والحب وانى بكون بطبيعتى وبقدر اتفاهم معاهم المرحلة دى اللى خلتنى احس بالتغير

بجد موضوعاتك هايله
انا بقى حياتى راكده وزى ماهى مافيها اى جديد الى بنام فيه بصحى فيه
والحمد لله على كل شىء