انتى مرتبطة؟؟

موضوع: انتى مرتبطة؟؟ الثلاثاء مارس 03, 2009 3:23 pm

انا فى فكرة جتلى كده وانا قاعد..مش واقف
المهم ..لو شاب جه لبنت وسالها
انت مرتبطة؟؟

يا ترى هيكون رد فعلك اي؟؟!!!
مع العلم ان الولد انتى ما تعرفهوش ومالكيش كلام معاه خالص

ثانيا..هو كان فى اولا اساسا
المهم..ممكن يحصل ان بنت تروح تقول لولد انت مرتبط؟؟

ولو حصل هيكون رد فعلك ايه؟؟

مستنى البنات والولاد
الاتنين..

ممكن يكون رد فعلى اكيد هقوله و انت مالك دا شىء شخصى ميخوصكش .

ميرسى على التوبيك الجميل ده يا mstlove99

موضوع جميل يا درش
بس الطبيعى ان مفيش بنت هتسال ولد دة

اما بالنسبة للولد لو سال بنت سوال زى دة
يبقى حاجة من اتنين

ياما عايز يتقدم ومش لاقى وسيلة للتعارف غير دى
او انة ولد طايش بيعاكس

وانا ارجح للبنت انها متردش علية وتديلة الطرشة

سوال شخصى يا درش انت مسافر فى كام بكرة؟؟؟
فى الاكس ولا فى 8 ؟؟

هههههههههههههههههههه

والله دمك زى العسل يا مصطفى

أنا عن نفسى لو فى واحدة جات سألتنى إنتا مرتبط

هاقولها لأ........... ليه بقى ؟؟؟؟؟؟؟؟؟؟؟؟؟؟

ههههههههههههههههههههههههههههههههه

على فكره موضوع جامد جدا يا مصطفى وتقريبا عمره ما اتناقش ابل كده
بصراحه يا جماعه انا لو حد جه سألنى السؤال ده مش هعرف اقوله ايه أصلا
اصل انا لخمه اوى بس الاكيد ان انا هبصله كده وأسيبه وأمشى كأنى مسمعتش حاجه
خااااااااااااالص
بس طبعا هبقى عايزه أضحك مووووووووووووووووووت
وياريت محدش يسألنى هتضحكى ليه!!!!!!!

sarota
ميرسى على ردك وذوئك

مازن
شكرا يا جميل على ردك
ان شاء الله لو صحيت هكون راكب الاكس العربة ال3 من قدام

درش
تسلم على ردك
بس ليه بقى؟؟؟؟؟؟؟؟؟؟

ayat
ميرسى يا قمر على مرورك
بس متبقيش تضحكى

فى يا جماعه حكايه كده كانت واحده صاحبتى حكيتهالى
عن واحده صاحبتها
المهم بقى يا شباب لو كل الولاد بالرخامه والتباته دى البنات مش هتخلص منهم
ده حد المفروض كان معجب بواحده صاحبتنا وكل ماتروح حته يروح وراها
زهقها يعنى ف المهم هى كانت راحت تقعد فى مكان ما من الكليه هى واصحابها طبعا
البيه ده بقى أخيرا اتشجع وجه عشان يتكلم وياريته ما جه
الحوار بقى

الشاب : ممكن لو سمحتى كلمه
البنت : مردتش عاااااااااااااادى
الشاب :انا بقولك لو سمحتى كله
البنت : انا مش بكلم حد
وياعينى بقى الواد متبلد ع الاخر
وخد حبة تهزيق انو يحس ويمشى ابدا
المضحك بقى فى الموضوع
ان واحده من أصحاب البنت بتقوله لو سمحت إمشى انت بقى شكلك وحش اوووووووى
تخيلو الرد يكون ايه؟؟؟؟؟!!!!!!!!!!!!!
.
.
.
.
.
.
.
.

.
.
أنا عمر ما يبقى شكلى وحش ابدا

هههههههههههههههههههههههههههههههههههههههههههههههههه

لا كان يقولها انا محدش هزقنى كده قبل كده

ههههههههههههههههههههههههههههههههههههههههههههههههههههه
حلوه يا مصطفى بس ده لو كان حد بيحس أصلا

Shocked

ربنا يشفى

هقولها فسرى طبعا

ميرسى على التوبيك دة

تسلم يا طف طف على الموضوع دة بس انا عندى تعليق

انا بيتهيالى ان الحاجات دى انقرضت من زمان اوى يعنى الكلام دة على ايام الطرابيش ام ديل

ومعتقدش ان ممكن بنت او شاب يروح ويقول انتى مرتبطة او العكس

انت عارف دلوقتى لو فية شاب معجب ببنت فى الجامعة او ما شابه ذلك بيخليه وراها لحد ما تقع

وعلى فكرة ممكن تيجى معاه بالصدفة يعنى مثلا فى مواصلة او حاجة زى كدة تيجى تتدفع يقولها

لا والله ابدا ويدفعلها تشكره من هنا بيحصل التعارف وبعدين بتبقى زمالة وبعدين اعجاب ثم الحب

ثم الارتباط وهى دى مراحل الارتباط

بس حكاية انتى مرتبطة دى كانت على ايام عبد الناصر

وعموما ده رأيى

وتسلم على موضوعك

بص هو انا مش عارفه اسمك بس ع العموم هو مجرد رأى مش أكتر
وكل واحد ليه وجهة نظره اللى هو مقتنع بيها
سواء كانت صح أو غلط
ع العموم الطريقه دى مش من أيام جمال عبد الناصر ولا حاجه
ووممكن ع الصدفه اللى انت بتقول عليها هى فعلا بتحصل
بس على فكره البنت اللى توافق حد يدفعلها فى المواصلات وهى متعرفوش
سورى هى بنت مش محترمه
وده مجرد رأى مش أكتر

بصى يا آيات انتى رديتى على الصدفة اللى اتذكرت بس

بص انا عندى سؤال

اية اللى مش محترم فى دفع المواصلات واية اللى يعيب البنت فى كدة

انتى عارفة الحكاية مش حكاية البنت محترمة او غير محترمة

هية اكيد ساعتها هتكون عارفة ان الشاب دة معاها فى الجامعة لو ساعتها فية راحة نفسية

من البنت للولد مممممممممممكن توافق على دفع الاجرة لكن لو فيه رفض نهائى طبعا مش هتوافق

وساعتها الشاب هيشوف اى طريقة تانية يحاول انه يوصل بيها لقلب اللى معجب بيها

( نور)

هههههههههههههههههههه
شديد

areeg كتب:: ربنا يشفى

هقولها فسرى طبعا

ميرسى على التوبيك دة

ايه ربنا يشفى دى
مجانين احنا ؟؟؟؟

ميرسى يا نور انت اوحمد وايات على ردكم

العفو يادرش بس انا بيتهألى انك مبتخدش على كلام المجانين

وان شاء الله هيشفينا لو سمحتوا بلاش تريقة على اى مواضيع مناقشة (شكرا)

بص يا نور الاول شكرا على ردك طبعا
احنا بنتناقش مش أكتر
ومش كل البنات زى بعضها
يعنى مثلا ممكن تبقى برده البنت معجبه بيك وبرده مترضاش انك تدفعلها
مش قاعده وأنا كنت بقول رأيى مش أكتر والله فى الصدفه اللى انت قولتها
ودى زى ما قولتلك وجهة نظر
وكل واحد بيبقى متمسك بوجهة نظره سواء كانت صح أو غلط

سؤال غلس بس فى الاول يا مصطفى ومتزعلش منى بليز اوك
انت ليه مهتم اوى بمسالة الارتباط دى ومن غير زعل
اما بالنسبة لراى يعنى ايه واحد من الباب لطق كدا يجى ويقولى انتى مرتبطة هو ماله بس انا مش هرد لانى لو رديت سورى يعنى هشتمه ودا مش طبعى خالص

لو حد انا عارفه انه مش ولابد مش هرد عليه
لو حد انا بحترمه وعارفه هقوله ليه وبناءا عليه هقوله اه او لاء
لو حد انا مش عارفه والسؤال كان بشكل محترم ده بقى هيكون على حسب ارتياحي اني اجاوب او مردش بس لو حسيته محترم وقصده خير هقول على الي فيها

وعاوزه اقول حاجه اريج مش قصدها عليكم يعني في الله يشفي هي اقصدها على الشاب الي كانت بتحكي عليه ايات انا فهمت كده
اريج انسانه محترمه ومش هتقول عليكم كده خالص

sima_s كتب:: سؤال غلس بس فى الاول يا مصطفى ومتزعلش منى بليز اوك
انت ليه مهتم اوى بمسالة الارتباط دى ومن غير زعل
اما بالنسبة لراى يعنى ايه واحد من الباب لطق كدا يجى ويقولى انتى مرتبطة هو ماله بس انا مش هرد لانى لو رديت سورى يعنى هشتمه ودا مش طبعى خالص

ههههههههههههههههههههههههههههههههههههههههه
هتشتميه ومش من طبعك
تيجى ازاى!!!!

انا مش مهتم بموضوع الارتباط ده ولا حاجه
بالنسبه ليا انا قدامى كتييييير اوى على ما افكر ارتبط

منوره الموضوع يا منى

موضوع: رد: انتى مرتبطة؟؟ السبت مارس 14, 2009 1:11 pm

يا بنى بقولك مش هرد عشان لو رديت هشتمه فا انا مش هعرف اشتمه ف من الاول مش هرد عليه

على فكرة يا منى انا والله مش بشكك فى احترام اريج خالص

انا كان ردى هزار وربنا ميجبش مشاكل