الحب موجود ولا انعدم فى بلادنا

انا بجد كنت عايزه اتناقش معاكوا فى موضوع مهم جدا هو الحب و عايزه بس اعرف منكوا اجابه لشويه اساله مجننى هل فعلا الحب ده اللى مجننا بيه فى االجامعه موجود ولا بيسرحوا بينا اصل انا من اعتقادى و عن تجربه ان مفيش حاجه اسمها حب فعايزه ارائكم من الحته دى .

احمد شهدى كتب:

يعنى ايه مش موجود فى الجامعه اذا كان اصله اساسا فى الجامعه واكيد مش تجربه واحده تثبتلك انه مش موجود

ومش معنى ان تجربه فشلت ان الباقى هيكون كده بردوا ممكن مايكونش الاولانى فيه توافق بس مش اكتر

وربنا يوفقك وتلاقى المناسب واللى هايكمل وبلاش تشائم وتسلم ايدك على التوبيك

موجود يا احمد بس ملقتوش حب لقيته استهبال و لعب بالمشاعر و تدمير واحد من الطرفين وده اكيد تلاقيه فى الجامعه
لان لو فى حب كان يخاف على سمعه البنت مش يقعد بيها قدام الناس كلها و لا انت عندك راى تانى

romantic كتب:

بصى يا سارة

موضوعك جميل جدا



بس عايز اوضح حاجة بسيطة



الدنيا دى موجود فيها كل شئ الحلو والوحش



وزى مابيقول المثل صوابعك مش زى بعضها



والحب فعلا موجود مش شرط يكون حب عاطفى فى فترة المراهقة وبس

فية حب الوالدين

وحب الاصدقاء

وحب الله ورسولة



اما بالنسبة للحب اللى انتى تقصدية اكيد موجود



بس ممكن عن تجربتك الشخصية تكونى مصادفتيش الحب دة

ممكن



بس اكيد هيصادفك سواء دلوقت او بعد فترة

او حتى الشخص اللى هيكون شريك حياتك



وتاكدى مليون المية ان الحب عطاء بدون مقابل ولو حصل غير كدة ميكنش حب



بس لازم قبل مانحب يكون عندنا وعى شامل لعملية دى عشان فية غلطات كتير الناس بتقع فيها



يعنى ببساطة حبى بعقلك الاول وبعدين بقلبك واختارى الشخص اللى هتحبية بتأنى



وحاولى تكونى مجموعة من الصفات اللى بتحبيها ولو كانت موجودة يبقى الشخص دة مناسب



ونصيحة من اخ حاولى تستفيدى من خبرات الاكبر منك سنا فى جميع مجالات الحياة



صدقينى هترتاحى اوى



وبالتوفيق ان شاء الله



واسف على الاطالة

مرسيى يا رومانتك على نصايحك الغاليه دى بس انا قررت بينى و بين نفسى انى مدخلش اى تجربه تانيه و انى اتجوز جواز تقليدى مش لازم ابقى زى الباقى .

احمد شهدى كتب:

لاء ده بالعكس انا اقعد معاها مش بيها فى مكان عام احسن مانروح مكان الناس تشك فيه

وبعدين التعبير مش صح كده (يقعد بيها) المفروض (يقعد معاها ) وده رايى اتمنى تقبليه وانتى بس جربى تانى مع حد تانى وهتحسى بالفرق بس حد يتوافق معاكى
وربنا يوفقك ياقمر

مرسيى يا احمد على نصيحتك دى

بصىى يا سارة أنا ليا رأى مختلف شوية


بالنسبة لموضوع الزواج فأنا مع فكرة الزواج التقليدى لأن التجربة العملية أثبتت إن الجواز بالطريقة دى هو اللى بينجح و بيستمر بنسبة كبيرة جداً لأنه بيبقى مبنى على تحكيم العقل أولاً و ليس العاطفة . و الكلام ده على وجه العموم إلا إذا

إلا إذا الواحد قابل فى حياته الإنسان اللى يحس معاه بأعراض الحب الحقيقى . و الأعراض دى بقى مش ينفع إنى أوصفهالك . دى بقى مشاعر و أحاسيس و مواقف معينة كتيير اللى منها الواحد ساعتها بيقدر يحكم على الحالة اللى هو فيها تبقى حب حقيقى واللا لأ.
و الحاله دى بتبقى حالة قدرية مش بيكون للإنسان أى دخل فيها . و كمان مش ليها ميعاد معين
يعنى مش مرتبطة بمرحلة الجامعة أو بعد الجامعة أو قبل الجامعة

وكمان ممكن الواحد يقضى عمره كله و مش يتعرض للكلام ده خالص

و ده تقريباً اللى بيحصل مع معظم الناس إنهم بيعيشوا حياتهم كلها و مابتحصلهمش أى حاجة من أعراض الحب الحقيقى . و ده مش معناه إن الواحد هو اللى يدور على الشىء ده بنفسه علشان يلاقيه مع أى حد و السلام . أكيد طبعاً الكلام ده مش صحيح بالمرة

يعنى فى النهاية أنا من رأيى إن الحب الحقيقى موجود فعلاً و لكن مش شرط إنه يحصل لكل الناس . و إن حصل فعلاً . فلا يشترط أن يستمر هذا الحب و ينتهى بالنهاية السعيدة و هى الجواز لأن فى حاجة إسمها ظروف البيئة المحيطة لكل طرف من الطرفين . و هل الظروف دى تسمح بلإستمرار واللا لأ .
دى وجهة نظرى الشخصية اللى أنا شايفها و مقتنع بيها من خلال تجربتى البسيطة فى الحياة

أسف للإطالة بس علشان حبيت أوضح كلامى بالتفصيل

طيب و إن عشت حياتك كلها و ماقابلتش الإنسان اللى تحس معاه بالكلام ده . الحل هيبقى إيه

و زى ما قولتلك الموضوع مش إختيارى . ده شىء قدرى

و ممكن يحصل لبعض الناس و ممكن ما يحصلش

و الغالبية العظمى إن الشىء ده مش بيحصل عند معظم الناس

و إن حصل . يا عالم إذا كان هيكمل للنهاية واللا الظروف هتكون أقوى منه و مش ينتهى النهاية السعيدة اللى هى الجواز .

على العموم شكراً على رأيك و إهتمامك يا أبوحميد

درش كتب:

بصىى يا سارة أنا ليا رأى مختلف شوية


بالنسبة لموضوع الزواج فأنا مع فكرة الزواج التقليدى لأن التجربة العملية أثبتت إن الجواز بالطريقة دى هو اللى بينجح و بيستمر بنسبة كبيرة جداً لأنه بيبقى مبنى على تحكيم العقل أولاً و ليس العاطفة . و الكلام ده على وجه العموم إلا إذا

إلا إذا الواحد قابل فى حياته الإنسان اللى يحس معاه بأعراض الحب الحقيقى . و الأعراض دى بقى مش ينفع إنى أوصفهالك . دى بقى مشاعر و أحاسيس و مواقف معينة كتيير اللى منها الواحد ساعتها بيقدر يحكم على الحالة اللى هو فيها تبقى حب حقيقى واللا لأ.
و الحاله دى بتبقى حالة قدرية مش بيكون للإنسان أى دخل فيها . و كمان مش ليها ميعاد معين
يعنى مش مرتبطة بمرحلة الجامعة أو بعد الجامعة أو قبل الجامعة

وكمان ممكن الواحد يقضى عمره كله و مش يتعرض للكلام ده خالص

و ده تقريباً اللى بيحصل مع معظم الناس إنهم بيعيشوا حياتهم كلها و مابتحصلهمش أى حاجة من أعراض الحب الحقيقى . و ده مش معناه إن الواحد هو اللى يدور على الشىء ده بنفسه علشان يلاقيه مع أى حد و السلام . أكيد طبعاً الكلام ده مش صحيح بالمرة

يعنى فى النهاية أنا من رأيى إن الحب الحقيقى موجود فعلاً و لكن مش شرط إنه يحصل لكل الناس . و إن حصل فعلاً . فلا يشترط أن يستمر هذا الحب و ينتهى بالنهاية السعيدة و هى الجواز لأن فى حاجة إسمها ظروف البيئة المحيطة لكل طرف من الطرفين . و هل الظروف دى تسمح بلإستمرار واللا لأ .
دى وجهة نظرى الشخصية اللى أنا شايفها و مقتنع بيها من خلال تجربتى البسيطة فى الحياة

أسف للإطالة بس علشان حبيت أوضح كلامى بالتفصيل

مرسى يا درش على رايك لان انا فعلا بدات اقتنع بكلامك لان فعلا مش كل قصص الحب بتنتهى النهايه السعيده
لكن قليل جدا.

منورييييييييييييييييييييين

sarota كتب:

انا بجد كنت عايزه اتناقش معاكوا فى موضوع مهم جدا هو الحب و عايزه بس اعرف منكوا اجابه لشويه اساله مجننى هل فعلا الحب ده اللى مجننا بيه فى االجامعه موجود ولا بيسرحوا بينا اصل انا من اعتقادى و عن تجربه ان مفيش حاجه اسمها حب فعايزه ارائكم من الحته دى .

مرسى على ردودكوا كلها بس انا عندى راى تانى اكيد كلنا سمعنا ان الحب مره واحده فى العمر و بالنسبالى ان ده كان اول و اخر حب بالنسبالى لان مفتكرش انى ممكن احب تانى . انا بشكركوا كلكوا على ردودكوا الجميله دى .