سؤال مهم هل من اجابه عندكوا ؟؟؟

اكيد كلنا سمعنا عن اللى يقولك ان فلان شال ماده كذا و فلان شال ماده كذا طب تقولوا انتوا ايه فى دكتور مشيل اكتر من 50 % من الدفعه الماده بتاعته و بعد كده يقولك اذا حاولت تشتكى الدكتور مش هتعرف تاخد معاه حق و لا باطل قال ايه الدكتور مالوش رقابه عليه خلال التصحيح . بجد اكيد اللى فى قسم تاريخ عندنا فى المنوفيه او فى الاداب نفسها اكيد كلكوا سمعتواعن الدكتور ده خصوصا انه مسيحى و الوحيده اللى تكون جيد جدا هى البنت الوحيده المسيحيه الموجوده معانا فى القسم . فهل ده علشان مفيش رقابه على الدكتور ولا بقت قله ضمير من رئيس الجامعه انه مش عارف يحط حد للموضوع ده .
ياريت يا جماعه اللى عنده حل كويس يقوله او اى تعليق فى الموضوع ده . مستنيا ردودكوا و تعليقتكم

متشكره يا احمد على النصيحه الغاليه دى انا فعلا اللى اقدر اقوله حسبى الله و نعم الوكيل بس . ميرسى مرة تانيه على نصيحتك ربنا معاك و معايا .

اولا السلام عليكم
بصى يجميل انافى الكلية وانا فىتالتة لما كنت فى اولى كان عندنا دكتور مش منجح الا عدد بسيط اوى اوى
ولما عملو مشروع توكيد الجودة لو انتى عرفاة فية دكتور قلنا لو عندك شكوة قدمها لو صح اوكى وهتاخد حقك لو غلط مش هنرحمك يعنى مجرد كلام
يبقى من الاخر كدة تقدمى شكوتك لربنا واكيد ربنا مبيضيعش تعب حد
وباذن الله خير

mstlove99 كتب:

مش غريبه ان 50% من الدفعه يشيل ماده
فى ماده عندى فى الجامعه اسمها ادارة ماليه
مش هتصدقوا لو قلت ان اكتر من 90% من الدفعه شايلين الماده دى
عندنا فى تجارة عين شمس

واللى يشل اكتر ان منهج السنه اللى فاتت اتغير عن السنه دى
وفعلا الدكاتره مفيش عليهم رقابه
انا بقالى اربع سنين فى الكليه
هههههههههههههههههههههههههههههههههههههههههههههههههههههههههههههههههههههههههه
ومعايا ماده من سنه اولى

تعملوا ايه انتوا بقى !!!!!!!!

لا ربنا معاك يا بنى انا اى نعم مش متفائله بس مش للدرجه دى

هههههههههههه
عادى من دة كتير واللى جاى اكتر
ولكن كل اللى علينا ان اننا نذاكر ونعمل اللى علينا
وربنا مش هيضيع حقنا

و الله يا محمود تذاكر متذاكرش مع الدكتور ده بالذات منتش معدى يعنى منتش معدى

انا واللة يا سارتا انا شايف انة موضوع محتاج لكلام كثير اوى ومحتاج لتدخل الدولة لكى توقف مثل هذة الافعال البطشاء التى تدمر طموح الشباب الطامح فى النجاح والتفوق لان الطالب ما بخدش عند الدكتور درس

ميرسى على ردك يا محمد

دة كلام فاضى ولا يمكن نسكت علية ولابد من وقفة جادة علشان نفهم الدكتور ان هذة الافعال حرام شرعا وقانونا بس لازم نجلس كلنا معا الدكتور دة وان الكلام ما نفعش نذهب الى العنف والعنف لا يودى الا الى مزيد من العنف معلش اتماديت شوية بس الموضوع شائك اوى

انا عجبنى كلام الاخ محمد السبكى بس هو اصلا مش فى اداب فا هو اية الى يخلية يتدخل فى الموضوع علشان هو بيزعل لما حد بيقول راية فى حاجة تخص التجارة يا ريت ما تزعلش يا محمد يا سبكى بس من تدخل فى ما لايعنية سمع ما لا يرضية ويا ريت كل واحد يخلية فى كليتة

انا واللة يا سارتا انا شايف انة موضوع محتاج لكلام كثير اوى بس هانقول ايه حسبنا الله ونعم الوكيل وعلى فكره مش عندك بس فى التاريخ دول دكاتره مسلمين وبيعملوا اكتر من كده فينا اكيد تسمعى عن دكاتره لغه عر بيه طبعا فيهم اتنين ربنا ما يبتليكى بيهم ابدا ويعديلك السنه دى على خير منهم دكتور قالنا انا زعلت مرتين بس فى حياتى مره لما امى ماتت ومىه لما طالب جاب جيد فما بالك لو حد جاب جيد جدا اكيد هايتشل
وربنا ينتقم منهم يار ب علشان خاطر الطلبه واولياء الامور بجد ربنا معاكى وهابيل يعنى مش هوه الللى يتخاف منه قوى كده ركزى معاه واكيد ان شاء اله ربنا يوفقك يارب

انا ليسانس اداب تاريخ
واعتقد ان ده دكتور هابيل
ع العموم انا مش شطرة اوى بس اقدر اقولك ان اللى مذاكر بينجح مش بيتلكك يعنى
انا كنت بتجح فى المواد بتاعته
يمكن لانك لسة فى 1 لسة مش عارفة الدكاترة
انا لما كنت فى اولى كنت بسمع كلام كتير يخض عن الدكاترة وعلى راسهم الدكتور ده
بس الواحد فهم دلوقتى


ع العموم ربنا يوفقنا جميعا
ولا تقلقى

والله يا جماعه ربنا يستر الواحد بيمسك اعصابه بالعافية ع الدكاتره دول لما واحد يتلكك ويعض يسقط الناس والمشكلة انه مش عليه رقابة وف اول محاضرة الكتور قلنا ع فكره انا مليش مراقب غير ربنا يعنى ممكن اسقطك وانت قاعد دلوقتى ادامى مزاجى طيب الواحد ممكن يقوله ايه مفيش غير ربنا يستر بس لو جات مرة ودكتور سقطنى فى مادة الله اعلم هعمل فيه لان مش علشان دكتور يتحكم زى ما هوه عاوز تبقى العملية سايبة
مشكور ع الموضوع واسف ع الاطالة