drbaka عضو فعال
عدد الرسائل : 473 العمر : 33 الموقع : مرمي في الشارع المزاج : شغااااال كليتك : حقوق احترام قوانين المنتدى : السٌّمعَة : 0 نقاط : 7731 تاريخ التسجيل : 12/11/2008
| موضوع: تعمل ايه لو صحيت النهاردة ولقيت نفسك امبارح ..؟؟؟ الثلاثاء فبراير 03, 2009 6:09 pm | |
| تعمل ايه لو صحيت النهاردة ولقيت نفسك امبارح
ممكن اوى طبعا يحصل.. ان انا اصحى النهاردة الصبح الاقى نفسى لسه فى امبارح او الاقى نفسى اول امبارح او الاسبوع الى فات او الشهر الى فاتت .. ما هى مش غريبة يعنى .. وهو ايه الى عدل فى حياتنا علشان اصحى الصبح وما الاقيش نفسى امبارح يعنى
فى الاول اكيد مش هتاخد بالك .. وبعد كده لما تلاقى المواقف بتتكرر قصادك .. فى الاول مخك هيهنج وهتروح تغسل وشك ومش بعيد تضرب نفسك كام قلم على وشك علشان تفوق .. وبعد كده هتحاول تركز ..وتفتكر اخر حاجة حصلت قبل ما تنام كانت ايه .. او ااخر حاجة كلتها كانت ايه .. واذا كنت بتستعطى حاجة هتحاول تفتكر اخدتها من مين وبلبعت منها اد ايه ؟؟؟ وفى الاخر حتى لو افتكرت هتستلم لانك هتلاقى نفسك مش فاهم حاجة .. وممكن لو حاولت تفهم هتلاقى نفسك بتاخد تاكسى على اول دكتور نفساني مع ان مشوار الدكتور ماكنش حصل امبارح من اساسه .. ركز كده معايا وبلاش تهييس
طيب لو انا صحيت امبارح وده بقى امر واقع .. اكيد هيحصلي تاني كل الى حصل امبارح .. ما هو اصلا كان حصل خلاص .. يعنى كل الى شفته هشوفه تانى .. (هااه .. لسه مركز) يا تري هعمل ايه .. ؟؟
هل كل الى عملته امبارح سواء كان صح ولا غلط هعمله تانى برضة ؟؟؟ وهل هعمله بنفس الطريقة ؟؟ الناس الى اتخنقت معاهم ولعنت سلسفين الى جابوهم ..هلعن الى جابوهم تانى النهاردة ؟؟ الدرج الى فتحته فى المصلحة امبارح .. هفتحه تانى النهاردة .. ؟؟ وقفتى على النواصى ومعاكساتي للبنات والستات هل هكررها تانى ..؟ شفت امبارح واحد محتاج مساعده ونفضتله .. ؟؟ صلة رحم وما عملتهاش .. ؟ غيبة ونميمية وما سبتهاش .. ؟؟ صلاتى الى اتاخرت عليها ولا حتى ممكن ما صلتهاش ؟
مريض قصرت فى حقه وما زرتهوش ؟؟ صاحبي محتاج مساعدة وما ساعدتهوش ؟؟ قشر اللب الى قزقزته وفى الارض ورميته وما لمتهوش ؟؟؟ مسؤوليتى لامي وابويا ومراتى وجوزى واخواتى واولادى الى قصرت فى حق ليهم وما وفتهوش ؟؟
امبارح الى عدى عليا وكان ليا حق وما اخدتهوش .. سلبيتى فى حياتي الى سبتها زى ما هيا ولا جددت فى نفسى ولا طورت فى حياتي وحياة الى حواليا واى جديد ممكن اعمله وما عملتهوش ؟؟
امبارح الى كان زى اول امبارح وزى الى قبله وقبل الى قبله ولا فرق معايا .. واهوا كله فى الاول يوم وفي الاخر ما عشتهوش
يا ترى لو نمت احب اصحى فى انهوا امبارح علشان اغير اى حاجة نيلة انا عملتها .. اصحى فى يوم شتمت فيه حد .. ولا اصحى فى يوم ظلمت فيه حد.. ولا اصحى فى يوم سرقت ونهبت فيه حد ؟؟ ولا اصحى فى يوم قصرت فيه فى شغلي وعمل كارثة واذيت فيها حد .. ؟؟ ... ولا اصحى فى يوم قتلت فيه حد.. ؟؟؟
يا ترى احب اصحى امتى ولا امتى .. ما هى ايامي وانا عارفها ... وكلها مليانة بلاوي والى فات خلاص عدى ومش هيرجع تانى ..
طب اصحى اصلا ولا ما اصحاش .. ولو صحيت النهاردة هفرق عن امبارح ؟ .. ولو ما صحيتش النهاردة وصحيت بكره .. هل بكره هيفرق عن النهاردة وعن امبارح (هاااه ... لسه معايا .. ؟؟)
وطبعا الكلام برضة للناس الى فوق .. وهارش ولا مش هارش .. وهتعملهوملى نيلي نيلي .. هعملهوملك شريهان شريهان وبدل ما تصحى وتلاقى نفسك امبارح ... ابقى اتغطى بس كويس قبل ما تنام
| |
|
enass2 الادارة
عدد الرسائل : 2764 العمر : 36 العمل/الترفيه : رسم المزاج : عادى الدنيا كدة كدة ماشية كليتك : تربية جنسيتك : مصرى هل تحب منتدانا : جدا كيف تعرفت على منتدانا : احلى دليل احترام قوانين المنتدى : السٌّمعَة : 4 نقاط : 120294 تاريخ التسجيل : 21/07/2008
| موضوع: رد: تعمل ايه لو صحيت النهاردة ولقيت نفسك امبارح ..؟؟؟ الثلاثاء فبراير 03, 2009 6:42 pm | |
| هههههههه نيلى وشيرهان ما انت كنت ماشى حلو تسلم ايدك واكيد اللى بيعمل حاجة من اللى انت قلت عليها دى هيحاول يغيرها تسلم ايدك يا دربكة | |
|
areeg مشرفة مؤسسة
عدد الرسائل : 999 العمر : 36 كليتك : خريجه اداب اعلام (اذاعة وتليفزيون) السٌّمعَة : 1 نقاط : 21993 تاريخ التسجيل : 13/10/2008
| موضوع: رد: تعمل ايه لو صحيت النهاردة ولقيت نفسك امبارح ..؟؟؟ الثلاثاء فبراير 03, 2009 7:25 pm | |
| اهلا اهلا بيك يادربكة باشا
نيس توبيك يامان
انا بقى مش عاوزة اصحى فولا امبارح من اللى فات
انا عاوزة افكر فبكرة وفالنهاردة
واحاول اكفر عن اللى عملتة امبارح........وازاى اعيش بما يرضى الله النهاردة واخطط لكدة بكرة وبعد بكرة ........لاخر نفس فحياتى
ميرسى يامان عالتوبيك وياريت يكون رايىى وصل | |
|
منى عضو فعال
عدد الرسائل : 473 هل تحب منتدانا : نعم السٌّمعَة : 0 نقاط : 7352 تاريخ التسجيل : 25/07/2008
| موضوع: رد: تعمل ايه لو صحيت النهاردة ولقيت نفسك امبارح ..؟؟؟ الثلاثاء فبراير 03, 2009 7:53 pm | |
| | |
|