أيهما أهـــم بحياااتك كرامتك أم قلبك؟

السلام عليكم
أنا شكلي هاتخصص نقاشات بس بس الموضوع داه جميل جد وعاوز الكل يرد
أسيبكم بقي معا الموضوع
أيهما أهـــم بحياااتك كرامتك أم قلبك؟

هل من المعقول ان نستغنى عن قلوبنا
للاحتفاظ بكرامتنا في سبيل ذلك
لماذا يبيع الصديق صديقه والحبيب حبيبته والعاشق وغيرهم (؟)
وكل شخص اكيد حدث له موقف من الحياة سواء مع صديق
او حبيب او زوج .... هذه هي الحياة ؟
لم اجد سبب لذلك ..!
صحيح انه لابد ان تكون كرامة النفس فوق كل اعتبار
ولكن لماذا ولدت التضحيه اذا كانت كرامة النفس هي المنتصره
غالبا ؟؟
ام هي مجرد كلمات نؤيد مضمونها ولكن بدون العمل بها ....
لنقف لحظة على بعض الجمل
هي موجوده في حياتنا ودائما نرددها في موقف معين
لا
وانما في حدث ،،،،

خداع
خيانة
كراهية
كذب
ضعف
هزيمة

قالوا :

( من باعنا بعناه ولو كان غالي )

( اللي يهواك اهواه..واللي ينساك انساه )

( الذي لا يعتبرك ربحا لا تعتبره خسارة )

( الصديق وقت الضيق )

فكـــر قليلاً ...

هل نستطيع حقا تطبيق ذلك !!

فعندما نلتقي بصديق مثلا ..نثق به..ونبوح له بمشاكلنا
ثم
مع مرور الايام نكتشف انه لا يحبنا...ولا يعتبرنا الا خيال

في غيابه نسئل عنه ...وان غبنا لا يسئل عنا
هل حقا نتخلى عنه
لا ادري !!!

والأن أنتم بعد ما قرأتم الموضوع هل
ستكونون صريحين
والا ستسكتون و تتسائلون وتقولون لا نعلم!!!!!!
ويبقى سؤالنا الحائر والمحتاج الى اجابه ......
أيهما أهـــم بحياااتك كرامتك أم قلبك؟

السلام عليكم ازيكم ياجماعة

وحشتونى جدا معلشى امتحانا بقى ومود مذاكرة ربنا معانا ويوفقنا جميعا

بص يامدحت يا بنى الحب هو الكرامة وطالما الانسان اللى بينك وبينة علاقة سواء حب صداقة زمالة بيبادلك نفس شعورك بصدق يبقى اكيد هيخاف على كرامتك وعدم جرح مشاعرك باى نوع من الانواع

فالكرامة هى ناتجة عن المحافظة على الاحترام المتبادل بين الطرفين مهما كانت علاقته عاطفية او صداقة او مجرد زمالة
وميرسى ليك على موضوعك واعذرونى فقلة مشاركاتى لكن اوعدكم مفاجات جديدة فاجازة الترم
يلا ادعولنا ياجماعة
ربنا يوفقنا جميعا

ميرسي يا مدحت علي موضوعك الجامد ده

وانا من رأيي انا مع المقوله بتاعة ( كرامتي فوق كل شئ )

عشان الكرامه دي حاجه لو افتقدتها مش هاتعرف تعوضها تاني

وثانيا انا مع اسماء في رأيها لو اتنين بيحبوا بعض او اتنين اصدقاء او زملاء اكيد طبعا لو هما

الاتنين بيحبوا بعض اكيد هايخافوا علي مشاعر بعض وكل واحد فيهم هايخاف يجرح التاني

لكن لو حصل يبقي فيه حد فيهم مش بيحب التاني يبقي مش هايبقي فيه تضحيه اصلا

عشان التضحيه معناها بالنسبالي ان انا بخسر حاجه كويسه وحاجه انا بحبها عشان حاجه تانيه

وفي الموقف ده اكيد طبعا مش هايبقي فيه حاجه كويسه عشان اخسرها يبقي ماينفعش نسميها

تضحيه ويا ريت تكون فاهم قصدي يا مدحت

يعني بإختصار لو اتحطيت في موقف اختار فيه كرامتي او قلبي اكيد طبعا هاتبقي كرامتي

عشان لو اللي قدامي بيحبني بجد اكيد مش هايحطني في الموقف ده

وآسف للإطاله

وميرسي يا مدحت بجد علي موضوعك الجميل

تسلم يا باشا

السلام عليكم ورحمة الله وبركاتة
انا عضو جديد بس حابب أقول رأيى
الكرامة هى الحاجة الوحيد اللى من غيرها ميبقاش فية انسان
بمعنى ان الكرامة بين الاصدقاء هى الصداقة نفسها علشان الصاحب الصح هو اللى يحافظ على كرامتك ويصونك قام نفسة قبل ما يصونك قدام الناس وعجيتنى اوى حتة ( من لا يعتبرك ربحاً لا تعتبره خساره )
أما عن الكرامة بين الاحبة فهيا دى بقى اللى ضيعت كل علاقات الحب علشان عمرك ما هتعرف توفق بين كرامتك وحبك فى أى حال من الاحوال وده مش كلام وخلاص دة كلام ناتج عن تجارب شخصية
وعلشان مطولش عليكم هقولكم مثل هو بلدى أه بس عاجبنى مووووت
( اللى ميشيلكش كحل فى عينية ، متعتبرهوش جزمة فى رجلك )

ههههههههههههههه حلو المثل دة اول مرة اسمعة رايكوا كلكوا حلو بس انا فى مواقف صعب تختار فيها بين الاتنين والتضحية فى وضع زى دة هو المطلوب واكيد من الطرفين عشان محدش فيهم يحس انة جية اوى على كرامتة شكرا يا دربكة على الموضوع

ياجماعة انا متفقة معاكم كلكم فرايكم بس مختلفة فايناس
بتسميتها للعطاء القائم علية الحب(تضحية)
لو انا سميتها تضحية يبقى انتى بتدى وبتدوسى اكتر بعطائك على كرامتك بدون مقابل من الطرف الاخر.
سورى على الاطالة
وياريت تتقبلو رايى بصدر رحب

انا بقى مع اريج فى رأيها الاول علشان اكيد اللى بيحبك عمرة ما هيجرحك
بل بالعكس ممكن هو يجى على نفسة علشانك
وبعدين ياجماعة انتوا بتتنقشوا فى موضوع شيليين منه التفاهم بين الاطراف
يعنى لو فيه تفاهم مش هتوجد جرح
وبكدة يبقى احنا بعدنا كل البعد عن موضوع الكرامة خالص
وشكرا

الموضوع جميل جدا يا مدحت (زى ما عودتنا طبعا)

وانا رأيى ان الكرامه فوق كل شئ طبعا
مع بعض التنازلات

يعنى اكيد لو انت بتحب حد مش هتكون قافل فى كل حاجه
هتتنازل شويه وهتيجى على نفسك شويه

زى الطرف التانى ممكن يكون زيك بالظبط وده يرجع لمدى حبكم لبعض
سواء كان صديقك او حبيبك

يعنى فى حاجات تستاهل انك تتنازل عشانها عشان الحب ده يكتمل
وفى حاجات تانيه طبعا تخليك تفكر فى كرامتك قبل كل شئ

فى ناس بتقول مفيش كرامه ف الحب
وانا طبعا مش متفق مع الرأى ده

انا مش عارفة ليه بنفصل اصلا الكرامة عن المشاعر
وناس كتير بتتخيل ان "نضحى بكرامتنا" عشان نعيش الحب
طيب هوا ده هيبقى حب اصلااااا
ازاى هيبقى حب وانت اتخليت ان اغلى حاجة بتملكها وهى الكرامة
الحب والكرامة حاجتين مرتبطين ببعض ولو واحده موجودة لازم التانية كمان تكون موجوده
يعنى فيه حب ومشاعر صادقة يبقى لازم فيه حفاظ على الكرامة وانها تكون دايما منزهة عن
اى حاجة وفوق كل حاجة ....
وميرسى على طرحك للموضوع
تســــــــلم

انا من راي ان الكرامه اهم
عشان لو الشخص اللي انتا مرتبط بيه بيحبك بجد عمره ما حيجرح كرامتك
و لو جرحها يبقي مش بيحبك
عشان كده لازم تختار الكرامه