سؤال للبنات بدون إحراج!!!!؟

سؤال الى كل اخت معنا فى
منتدي جامعه المنوفيه

عمرك تخيلتي نفسك، بعد كل اﻷيام
اللي سهرتيها وقعدتي من غير نوم لما خلاص كنتي علي وشك يجيلك إنهيار عصبي
عشان تنجحي ف الإمتحانات كل سنة.. بعد ما ضهرك انحنى علي مكتبك عشان
تذاكري وتجيبي مجموع عالي ف الثانوية العامة.. بعد ما أخيرا حجزتي مكان
ليكي ف جامعة محترمة .. بعد ما قضيتي السنين بتعافري مع المرور والزحمة
عشان تروحي محضراتك ف المعاد .. بعد ما صارعتي الدكاترة المتوحشين والكتب
اللي هتفرقع من كتر ورقها .. بعد ما أخيرا مسكتي شهادتك بين إيديكي ..
عمرك تخيلتي نفسك تكوني ست بيت؟




سؤال بيتسأل كتير ف الفترة اللي
فاتت: "فين كل البنات اللي كانوا طالبات متفوقات؟ فين البنات أوائل
الثانوية العامة؟" حقيقة إن معظم الطلبة المتفوقين واﻷوائل فى الكام سنة
اللي فاتوا كانوا بنات خلت ناس كتير تسأل عن مصير العباقرة دول. كل
الطالبات دول اللي صورهم ملت الجرايد، اللي إتعمل معاهم برامج ف
التليفزيون، اللي ملوا الدنيا بأمالهم وأحلامهم للمستقبل .. كلهم بعد كدا
إختفوا.

احب اعرف تعليقتكم

وبدون زعل منى او

تخطى الخط الاحمر

احنا هنا كلنا اخوات

اولا انا بحيييييييييييك يامدحت على الموضوع الجامد دة

ثانيا مين قالك اننا بنذاكر وبنعمل دة كلة علشان نعد فالبيت

انا واحدة من الناس اللى فعلا بتدور فكل مكان وبدور عالفرصة من دلوقتى

رنى مش مجرد كرسى او قطعة ديكور هيجيبها سيادتة علشانت يكمل بيها بيتة

ولا انا مجرد سلعة فى فاترينة الى يشوفها وتعجبة يدخل يدفع فلوس ويشيل

لالالالالالا ....ويمكن دة سبب لرفضى الارتباط الوقت دة

كل اللى جاى عاوز يرجع بيتة يلاقى هدمتة لقمتة ونومة مريحة اخر الليل

السؤال مش هو "فين كل البنات اللي كانوا طالبات متفوقات؟ فين البنات أوائل
الثانوية العامة؟"
[ولكن السؤال ا لية البنات دول مفضلوش عباقرة للنهاية ولية مبقووش حد الناس والاضواء كلها مسلطة عليهم؟

وانا هقولك الاجابة فحاجتين اولهم
الرد التقليدى احنا فمجتمع شرقى بيقيد حركة البنت ومجال عملها ولازالبيرفض عمله ...وسيبك من الشعاراتاللى بيرددوها
تانيهم : الروتيييييين واللى كلنا بنشتكى منة واللى يمكن يكون سبب من اسباب البطاله فمصر وكمان البطاله بصفة عامة
سؤااااااااااااال بقى بصفة عامة للبنات والولاد
تقدر تقولى انت فين خريجى كليات القمة واللى فاقو نسب الذكاء وتجاوزوها بمراحل؟؟؟؟؟

اقولك انا نهايتهم عالقهاوى
انا اسفة بجد انى طولت عليكم
بس فعلا الموضوع طويل وعاز نقاش مدييد

انا بشكرك يادربكا على موضوعك الجميل وفعلا يستاهل النقاش
بس انا ليه راى اى انسان بيقى عايز يثبت مكانه ووجوده وانا بقى بتعلم وبتعب زى ما بتقول فعلا عشان نفسى وولادى مستقبلا ان شاء الله
ومش لازم اروح اشتغل فى مكان عشان اثبت وجودى
انا عيزه اثبت وجودى مع زوجى واولادى وعائلتى واصدقائى وده اصعب شى فى الدنيا
فانا يوم بكون ممرضة ويوم استاذه ويوم ام حنونه بتسمع وهكذا
واسفه على الاطاله يامدحت وتسلم ياجميل على موضوعك

انا راى من راى هناء مش الشغل اللى هيخلينى اثبت وجودى كفاية اوى انى وصلت لمرحلة غيرى كتير مقدروش يوصلولها وفيهم اللى اللى الظروف مسعدتهمش دة من راى ان التعليم نص الحياة والنص التانى يوم متبتدى الحياة الزوجية وتبدا المسئولية والشطارة ازاى يحصل التوفيق بين اللى احنا اتعلمناه وبين اللى هنتعلموة فيما بعد وعلى فكرة شبابا كتير مبيحبوش يتجوزوا وحدة بتشتغل طبعا بقى الاسباب بتختلف كل واحد من الشباب موافق على كدة يقول لية ؟؟؟؟؟؟؟؟؟؟؟؟؟؟؟؟؟ انتوا شوية بقي يا حلوين

السلام عليكم
انا مع ليا راى
هوا علشان تعب البنت فى المذاكرة المفروض تشتغل
لان بصراحة البنت بتذاكر اكتر من الولد
وبتتعب ما بين المذاكرة وشغل البيت والمواصلات الوحشة وغيرها ..........
بس مينفعش فى الحال اللى البلد عايشاه البنت تشتغل والولد يقعد على القهاوى
لو البنت اتنازلت عن الشغل ,الشباب هيشتغل
والبنات هتنخطب وتتجوز وهتتحل مشكله الجواز عند الشباب والبنات
ومش هيبقى لافى بطالة ولا الحاجات الوحشة اللى بتحصل من الشباب اليومين دول قصدى حالات الاغتصاب اللى تقريبا يوميا بنسمع عنها
يا بنات انا بنت منكم
ممكن نتنازل شوية على ما الاحوال تنعدل فى البلد
علشان مصلحتنا كلنا
سلااااااااااااااااااااااااام

MARIAM كتب:

انا رايي من راي البنات اللي قبلي بس بصراحة انا واحدة من الناس اللي اعتبر ضد عمل المراة
يعني انا بشوف ان الواحدة تثبت نفسها في بيتها بانها تخلي زوجها احسن راجل في الدنيا وتخلي اولادها ناس محترمه ومفيدة لبلدها اهم بكتير من اي حاجة واي واحدة تقدر تحقق ده يبقى بجد اثبتت ذاتها وكيانها

غير كده انا بفكر في الموضوع ده بطريقة تانية
تخيلو اذا كل البنات قعدوا ومشتغلوش هنلاقي كل الشباب اللي ماليين القهاوي اشتغلوا وهنلاقي المرتبات زادت والحياة اتظبطت مع الكل بجد في اي حتة تلاقي مطلوب انسة للعمل في اي مجال نادرا جدا لما نلاقي حد كاتب مطلوب شاب اذا البنات قعدت الشباب هيشتغل ويقدر يستقر

في حاجة كمان لازم نفكر فيها راي الشرع ايه في عمل المراة القران الكريم قال ( وقرن في بيوتكن ) يعني الاصل وجود المراة في بيتها الا اذا اضطرتها الظروف للعمل يعني انها تكون مسؤولة من نفسها معندهاش حد يصرف عليها وعلى اولادها اذا عندها اولاد
غير كده عمل المراة مطلوب بس في مجالات محددة زي الطب مثلا لان الاصل ان المراة لما تحتاج زيارة طبيب تدور على طبيبة انثى في التخصص اللي محتاجاه واذا ملاقيتش تدور على طبيب ذكر ثقة
غير كده في التدريس وفي مجلات تانية لازم يتوافر فيها مراة للعمل

سامحوني على الاطالة بس ده رايي واذا في اي اعتراض على اي نقطة ياريت تناقشوني

بصراحه انا مستغربه رايك جدا هى المرأه هى بس المطلوب منها تربي وتخلى زوجها احس حد فى الدنيا !!طب ماالراجل كمان تربيه الاولادمسؤله منه وكمان لو زوجته حابه تكوت حاجه مهمه الزم يساعدها...,,
اما بالنسبه (وقرن في بيوتكن)ربنا قال_وقرن في بيوتكن ولا ترجن تبرج الجاهليه الاولى_ود زى ماقال ولا تقربوا الصلاه وانتم سكارى__اىان ربنا حرم الصلاه فى حاله السكرة وبالمثل فيما زكرتى انتي فى--وقرن في بيوتكن -

romantic كتب:

تسلمى على الراى الجامد دة يا نورسين

ويارت كل النات تقتنع بية

طبعا لازم كل الولاد يقولو كده بس بصراحه انا رائى مخالف ليك ولنورسين والدليل علي كده عمرك سمعت عن واحد راح اتقدم لشغل وقالوله احنا عايزين بنات طبعا عمرها ما حصلت لكن تعرف لوانت اتقدمت للاى شغلانه وحس اصحاب الشغل انك هتفيدهم صدقني لازم هيخدوك حتى لو كنت عماله ذايده عندهم
نصيحه مني ...بدل ماتتلككو بأن البنات هى اللى مقاعداكوا فى البيت ذاكر واتعب عشان تقدر تكون مختلف عن غيرك ولما تتقدم لشغل صدقنى عمرهم ما هيفرطو فيك

سالم يا عم الرومنسى
اختك منار اوعى تزعل منى

خلاص يا جماعة الموضوع وجهة نظر مش اكتر فينك يا دربكة تعالى شوف موضوعك يا عم

اية ياعلاء اتخنقت من اية
كل واحد ووجهة نظرة
فمتعصبشى نفسك
زى منت شايف انك صح هى كمان شايفة انها صح
ثم ان اختلاف الاراء لايفسد للود قضية

ولا اية .؟؟؟؟ يابوس

هههههههههههههههههههههههههههههههههههه

على فكرة يا جماعة أنا جاى أهدى النفوس مش أكتر !!!!!!!!!!!!!!!!!!!!!!!!!!!!!!!!

بصوا بقى بصراحة كدة و من الأخر

أنا رأيى قولته فى موضوع سابق قبل كده

البنت مالهاش غير بيت جوزها و تربية عيالها و هى دى أعظم رسالة للمرأة فى الدنيا زى ما الراجل مفروض علية إنه يراعى أهل بيته و مش يقصر معاهم فى أى شىء لا النواحى المادية و لا أى نواحى أخرى

يعنى أرفض تماماً فكرة عمل المرأة إلا فى حالات الضرورة القصوى و أنا سبق و شرحت الكلام ده قبل كده

ده رأيى و قلته و رزقى على الله و ربنا يسترها معايا و مش أتعور و لا تحصلى عاهة مستديمة من الطوب و الدبش اللى هيحدفونى بيه البنانيت اللى فى المنتدى بعد ما يشوفوا الكلام بتاعى

شكراً على المتابعة

بس انا ف رايي ان البنت مهما اشتغلت وحققت نجاح ف شغلها مش هيكون زى ماهتحقق نجاح ف بيتها وف تربية اولادها
وزى مابنسمع من كل الناس ان كل حالات الطلاق اللى بتحصل بيكون سببها ان الواحدة مشغوله بشغلها اكتر من جوزها وبيتها
وانا افضل انى اقعد ف البيت اكتر من انى اشتغل
دا رايي والاختلاف ف الراى لايفسد للود قضية
وسلام
تقبلو مرورى
انا اول مرة اشارك ف المنتدى دا

اهلا بيكى يا قمر وتسلمى على رايك

على فكرة يا جماعة انا مع راى الولاد لانى حصل معايا موقف زعلنى جدا انا مرة ركبت تاكسى واكتشفت ان السواق خريج علوم ومش لاقى اى شغلانة خالص ما هو بردو ذاكر وتعب وفى الاخر كان ممكن ياخد مكان بنت فى الشغل لان هو الاولى من البنت

ثانيا انا بقدر الحياة الزوجية جدا واعتقد ان اعظم رسالة للست انها تكون مدير ورئيس مجلس ادارة بيتها وقتها هتحس انها تمكلك الدنيا كلها وبردو هتحس بكيانها وانجازتها وتعليمها هيفدها فى طريقة تربيتها لولادها وتساعدها انها تفهم جوزها وتساعدة بكل قواها

لكن بردو للامانة لو اكتشفت ان بيتى فى حاجة انى اشتغل واجيب دخل طبعا مش هتاخر وهحارب لحد موصل

معليش طولت عليكو والموضوع بجد حلو اوى

على فكرة يا جماعة الموضوع كلة ما هو الا وجهات نظر بتختلف باختلاف الشخصيات وانا وجهة نظرى ان اى بنت واجب انها تكون متعلمة علشان تفيد اسرتها اولا ولو الظروف تسمح مفيش مانع انها تفيد مجتمعها اللى هى جزء منة علشان كدة لازم يكون عندها خبرات سابقة فى التعليم عشان تقدر تحافظ على مسئولية بيتها واسرتها اسال الله الكريم رب العرش العظيم ان يصلح احوال المسلمين اجمعين وان يجمعنى واياكم فى الفردوس الاعلى يوم الدين