هل البعيد عن العين بعيد عن القلب

دائما ً تتكرر على مسامعنا هذه الجمله

*** اللي بعيد عن العين بعيد عن القلب ***

قد يرى البعض منكم أن هذه المقولة صحيحة لأن البعيد عن العين

لا نذكره كثيراً فيكون بعيد عن القلب

ولكن قد أرى ويرى غيري أن هذه المقولة خاطئة

*** فالبعيد عن العين بعيد من الفكر ولكنه في القلب***

أي أن الذي لا نراه قد لا نذكره ولكن تظل مكانته في قلوبنا محفوظة

فأي المقولتين صحيحة؟؟

***اللي بعيد عن العين بعيد عن القلب ***

أم

***** إذا العين لا تراك فالقلب لن ينساك ****

في انتظار ارائكم ومشاركاتكم

ميرسي يا دربكا لطرحك الموضوع الهايل ده

وانا من رأيي ان الانسان كل لما يبعد عنه حد بيحبه بيزيد الاشتياق ليه

ومش بيتنسي ابدا عشان بتفضل صورته جوانا

وبعدين المفروض لما يبقي في اتنين بيحبوا بعض وعاوزين يوحشوا بعض

يبعدوا عن بعض فتره عشان البعد ده بيزود حبهم وبيزيد اشتياقهم

زي مثلا بالمناسبه العيد بيجي كل فتره وبيغيب عننا كتير بس عمرنا مابننساه وبنحب ايامه اوي

هي وجهة نظر غريبه بس دي وجهة نظري

وميرسي يا جميل علي موضوعك

شكرا يا دربكا
البعد بيزيد المحبة وانا جربت الموضوع دة مع حبيبي كنت اتخنقت معاة بس خناقة بسيطة بس لما بعدت شوية حسيت انة اتغير سعتها قلى كلمة غريبة اننا عملنا ريسترت لحبنا ههههههههههه فانا مش برجح عبارة ان البعيد عن العين بعيد عن القلب

وجه نظر كويسه منكوا ومرسي ليكيوا علي دخلكوا الموضوع
ومستني أراء باقي الأعضاء
هل اللي بعيد عن العين بعيد عن القلب

أم

إذا العين لا تراك فالقلب لن ينساك
مستني أرائكم

انا كمان مع محمود وايناس فى رأيهم
"اذا العين لا تراك فالقلب لن ينساك"
الحب الحقيقى بيعيش تحت اى ظروف
الطرف التانى بعيد او قريب الحب هيفضل موجود ..

وميرسى على طرحك للموضوع

انا بقى بؤمن بالمقولة دى جدا لانى فعلا جربتها

بدليل مثلا لاقدر الله اذا حد فقد حد عزيز علية (ربنا افتكرة)بعد الشر عليكم ياااارب

هنخلينا فاكرينة ونعيط علية سنة

السنة التانية هنفتكرة ونترحم علية

السنة التالتة هنزورة فالسنوية
والرابعة هنسال هو الاربعين امتى

وهكدذا دواليكحتى ننساه خالص

لان النسيان نعمة ربنا من علينا بيها ولولا النعمة دى كل من فقد شخص كانمات بعدة نتيجة حزنة علية
يارب مايكتبها ابدا علينا ياااارب

وفعلا البعيد عن العين بعيد عن القلب

دة اكيد يا اسماء بس احنا بنتكلم عن شخص موجود معتقدتش انك هتنسية خصوصا لو الشخص دة جارك او ديما بتيجى سيرتوة

ازاى بقى جارنا وبعيييييييييد؟
اوك خلينا نتكلم عن شخص موجود

عندنا مثلا حد ارتبطتى بية لكن هو من بلد وانتى من بلد وبعدتم ولاهو بيسال والدنيا اخدنكم فمشغولياتها

اوك فالاول انتى بتسالى لية هو مش بيسال وهو فين وهتفضلى تفتكرية لكن البعد بيجيب بعد

متقوليليش ان لو الشخص دة نسيكى وكمان هو بعيد هتفضلى فاكراة اكيد انتى كمان هتبداى تنسى

ولو بنسبة 10%
وواحدة واحدة ومع قلة التعبير هتنسى صح ولا لا؟

ماشى دة فى حالة الارتباط مفيش وحدة هتهون عليها كرمتها لكن لو شخص بتحبية زى اخوكى حد من قريبك متعلقة بية وليكى معاة زكريات حلوة اكيد مش هتسية وهتستنى ليوم مترجعوا تانى

اانا شايف ان الواحد مهما بعد عن اللى بيحبه مستحيل ينساه
فى حاجات كده بتفكره
سيرته. حاجه مرتبطه بيه. اغنيه كان بيسمعها معاها
حاجات كتير
حتى هو لو عايز ينسى اعتقد مش هيقدر

تسلم ايدك يادربكا على موضوعك الجميل ده
لا طبعا البعيد عن العين مش بعيد عن القلب ابدا

موضوع حلو اوى وانا مع حوده ونوسا ومصطفى
الى بعيد عن العين عمر ما القلب هينساه
مهما كان الشخص ده مين حبيبى
صديق
اى حد
واحد من العيله او واحده طبعا
حتى لو حد اذانى وبعد عن عنينا عمرنا ما هننساه وهنفضل فا كرينه
فا لو واحد او واحد غالين اوى عندنا عمرنا ما هننساه لو بعد عن عنينا ميه سنه