دعاء مصرى جاااااامد هتدعى انت تقول اية

" ده دعاء اظن ان 90% من المصريين محتاجين يقولوه "

اللهم أنقذنا من نفسية الزملاء .. وغباء الأصدقاء

اللهم ارحمنا من استبياع الجيل الجديد ..

وحرائق السكة الحديد

واستقصاد كل مدير .. وندالة القرايب

الصغير منهم والكبير

اللهم أغثنا من كل عميل .. ومن فواتير موبينيل

اللهم أرحمنا من تشريفة عربيات المسئولين ,

وزحمة الشوارع في كل حين

وسحب الرخص في كل كمين.. من الغلبان مش م المتين

اللهم أهدى لنا سواقين الميكروباص

والمدير البصباص

اللهم ارحمنا من الشئون القانونية وشئون العاملين

واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..

وشر شللـ البنات .. ولؤم الستات

وغباوة الحموات

والمينيمم تشارج كافيهات..

وهيافة الصحف والمجلات

وقطع الحرارة فجأة عن التليفونات وقت الزنقات

والمدارس اللي بتطلب تبرعات بالألافات

ووقــــوع السيــرفـــر وقفلـــة السايتـــات

اللهم سدد أقساطنا .. وضلل عنا مآمير الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح

حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشبابـ

واحمي يارب سماء مصر من سحابة الهباب

واكفنا شر صاحب الدقن الكداب

وصاحب التصريحات النصاب

اللهم ارزق كل بنت بعريس هدية..

وكل شاب بوظيفة وشقة وعربية

اللهم أحرق الـ 0900

واضرب الحرامية بالحرامية

ونجح أي طالب في أي كلية

حتى ولو كان في التربية الموسيقية

قولو أميييييينـ معاآية ياآ شباابـ ..,

أمــــــــــــــــــــــــــــــــــــــيـــــــــــــــــــــــــــــــــــن

بصراحه مخلتيش حاجه الا مقولتيها ربنا يسمع منك

اكيد فى نفسك حاجة عاوز تقولها حاجة نفسك تتحقق

على العموم انت منورنى يا ابو حميد فى كل مواضيعى وشرفنى مرورك الكريم

ويا رب دايما

اللهم ارزق كل بنت بعريس هدية..

وكل شاب بوظيفة وشقة وعربية

لا ليه كده

كمان اللهم ارزق كل شاب ب 4 عرايس هدية

أى مش حقى

مثنى وثلاث ورباع

امين يا رب بس هتقدر على كدى متهياللى لا ولا علشان البنات كتير فبتقول ناخد فيهم ثواب