انا والمحبين وهواك (ياريت الكل يدخل)

بكل الحب هنتكلم عن الحب

اصدقائى اعضاء احلى منتدى
انا جاتلى فكرة وياريت تعجبكم
ايه رايكم نعمل موضوع
زى برنامج اسامة منير
وبدل مايبقى اسمه انا والنجوم وهواك
يبقى اسمه

انا والمحبين وهواك

وفكرته ان احنا نتكلم
فى كل شىء يخص الحب
ونطرح موضوع ونناقشه
وكل واحد يقول رايه
فى الموضوع اللى بنطرحه
وكل واحد من حقه
انه يختار موضوع نتناقش فيه
ونقول راينا ووجهة نظرنا فيه
واسمحولى النهاردة انى ابدا
باول موضوع وهو

المسامحة فى الحب

ياترى ايه حدود المسامحة فى الحب عندك؟؟ وايه اللى ممكن تسامحه
وايه اللى لايمكن تقدر تسامحه ابدا فى الحب؟؟ ياريت الكل يقول رايه وبعد مالكل تقريبا يقول رايه من حق اى عضو
انه يختار موضوع تانى نتناقش فيه

ودي امثله ممكن نتناقش فيها

بعد كدة

هنتكلم عن الحب وحلاوته

هنتكلم عن لهفه وروعه الحب

هنتكلم عن تعبيرات الحب

هنتكلم عن فرحه الحب

هنتكلم عن اشتغالات الحب

هنتكلم عن جرح الحب وعذابه

ياااااااااااارب الفكرة تعجبكم
ومستنى ردودكم

فكرة حلوة يا كابو بس لازم نعرف رأى الباقى
نايس توبيك

أثار كتب:: فكرة حلوة يا كابو بس لازم نعرف رأى الباقى
نايس توبيك

ميرسى جدا لزوقكومرورك الكريم
وانا مستنى بقيت الردود على الموضوع

فكرة جميلة يا كابوا

nice topic

go on

ومعانا اتصال تلفونى لبسمة
ونقول الووووووو
يترى يبسمة
ايه حدود المسامحة فى الحب عندك؟؟ وايه اللى ممكن تسامحيه علية
وايه اللى لايمكن تقدرى تسامحيه ابدا ؟؟

الووووووووو

السلام عليكم اولا على فكرة عمرى ما حبيت اسامة منير بس يلا نشوف ايه ظروف احمد منير هههههههه

حدود المسامحة عندى ممممممممم انا الحمد لله اكتر حاجة بحبها فى نفسى هيا قدرتى على المسامحة فى اى حاجة مش بس فى الحب مش بعرف ازعل من اى حد على اى حاجة مهما كانت كبيرة ويمكن دى مشكلة مش حاجة حلوة يعنى بس انا كده مش بعرف ازعل من حد

بالنسبة للحب انا ممكن اسامحه لو اعتذرلى وحسيت بصدقه فى الاعتذار
لكن لو اعتذر كده عشان يعدى موقف ممكن ازعل منه شوية وبعد كده هنسى اصلا

ميرسى انى كنت اول تليفون معاكو يلا سلام

حلو اوى الموضوع يا احمد

فكره جميله يااحمد تسلم ايدك

sima_s كتب:: الووووووووو

السلام عليكم اولا على فكرة عمرى ما حبيت اسامة منير بس يلا نشوف ايه ظروف احمد منير هههههههه

حدود المسامحة عندى ممممممممم انا الحمد لله اكتر حاجة بحبها فى نفسى هيا قدرتى على المسامحة فى اى حاجة مش بس فى الحب مش بعرف ازعل من اى حد على اى حاجة مهما كانت كبيرة ويمكن دى مشكلة مش حاجة حلوة يعنى بس انا كده مش بعرف ازعل من حد

بالنسبة للحب انا ممكن اسامحه لو اعتذرلى وحسيت بصدقه فى الاعتذار
لكن لو اعتذر كده عشان يعدى موقف ممكن ازعل منه شوية وبعد كده هنسى اصلا

ميرسى انى كنت اول تليفون معاكو يلا سلام

وعليكم السلام ازيك يبسمة
طبعا احمد منير غير اسامة منير قصدى احمد صلاح
جميل ان الانسان يسامح ويغفر ودى مش مشكلة ولا حاجة يبسمة بالعكس دى ممكن نقول عليها طيبة وحنان وحب الغير
ودى مميزات كويسة جدا وفى النهاية ربنا يكرمك فى حياتك ويرب تكونى صديقة البرنامج
فى النهاية نسمع سامحتك كتير

وعانا اتصال تلفونى تانى ونقول الوووووووووووو
مين يفندم؟ علاء جاد .........
اة ازيك يعلاء ........
يترى يعلاء ايه حدود المسامحة فى الحب عندك؟؟ وايه اللى ممكن تسامحه
وايه اللى لايمكن تقدر تسامحه ابدا فى الحب؟؟

ازيك يا احمد
الحب من غير سماح ميبقاس حب لازم نسامح عشان الحب يستمر لان لو كل واحد فينا مسك على الوحدة ومقدرش يسامح اكيد فى يوم من الايام الاخطاء هتكتر وقلبة هيسود وهتبقى الحياة وردى بقى

وفى الحالة دى اكيد العلاقة هتنتهى

واكيد كل حاجة فى الحب ممكن نسامح فيها اقصد اللى هى المشاكل الصغيرة اللى بتحصل بين اى اتنين زى مثلا الغيرة ودى غريزة فى بنات حوا يعنى مش لازم نلوم البنت عليها وطبعا ربنا قال انهم ناقصات عقل ودين يعنى اكيد ليهم اخطاء كتير ولازم نسامحهم عليها ومحدش يزعل من كلامى

وكمان ربنا قال ان كيدهن عظيم يعنى عشان اى انسان فينا يحب لازم يكون فاهم الكام نقطة اللى فاتوا دول ولو قدر يفهمهم صح يبقى هو كدة امتلك البنت وفهمها اكتر منها وهيسامحها على اى خطا ممكن ترتكبة ولاكن فى حدود المعقول

انما طبعا اللى اللى مينفعش فيه سماح هو الخيانة

دى بالنسبالى هى نهاية العلاقة بدون نقاش

وعايز اقول حاجة اخيرة ان ربنا اللى هو خالقنا بيسامح عبادة وبيغفرلهم وبيتوب عليهم

فما بالكم بقى اننا كلنا عباد يبقى ازاى منسامحش

واسف جدا انى طولت فى الكلام وشكرا جدا ليك يا احمد على موضوعك الهايل دة

متشكر جدا يعلاء على مشاركتك معانا
واحب فى النهاية تكون صديق البرنامج نسمع عمرو مصطفى برتاح معاك
ومعانا اتصال تلفونى تانى ونقول الوووووووووووو
مين معانا؟

هناااااااااااااااااء؟
امممممممممم اسم جميل

يترى يهناء ايه حدود المسامحة فى الحب عندك؟؟ وايه اللى ممكن تسامحه
وايه اللى لايمكن تقدر تسامحه ابدا فى الحب؟؟

الووووووو مساء الخير يااحمد مرسى ليك
انا راى ان الحب كله تسامح اساس الحب هو التسامح
والحمد لله عندى نعمه جميله من ربنا بسامح لابعد الحدود
كل حاجه ممكن اسامح فيها طالما بحب الا
فى الخيانه ومشكلتى بقى انى لو مرتبطه بشخص لو هزر او كلم واحده بحس انها خيانه عرفه ان تفكيرى غلط يااحمد بس اعمل ايه بقى حولت اغير نفسى بس للاسف انا كائن غيور
والكدب ممكن اسامح بس بفضل فكراه دول اكتر حاجتين مقدرشى اسامح فيهم .
سورى يااحمد طولت عليك سلام.

الووووووووووو مساء الخير يا احمد
البرنامج بتاعك تحفة بجد
وياريت اكون صديقة البرنامج

طبعا التسامح فى الحب دة شئ جميل جدا

لاننا لما بنحب بجد بنسامح

وعلى فكرة الحب دة اجمل شئ فى حياتنا ومعنى سامى جدا لو فهمنا معناه صح

هنسامح

الحب فى رايى

عطاء ........ تسامح........... ود .......... وغير دة كتير

الحب دة هو السعادة اللى احنا بنعيشها وبنعيش فيها

لو مسامحتش حبيبك يبقى حرمت نفسك وحرمته من السعادة دى

بجد انا نفسى اوصلكوا قد ايه الحب جميل وعشان تحافظ عليه لازم تسامح اللى بتحبه

وقدرتك على التسامح بتدل على مدى حبك لحبيبك

وميرسى يا احمد على الموضوع الرائع

وبجد يستحق كلام اكتر من كدة بكتير

بس انا عارفة انى طولت عليك

باااااااااااااى

فكره جميله كابو

love_story كتب:: الووووووو مساء الخير يااحمد مرسى ليك
انا راى ان الحب كله تسامح اساس الحب هو التسامح
والحمد لله عندى نعمه جميله من ربنا بسامح لابعد الحدود
كل حاجه ممكن اسامح فيها طالما بحب الا
فى الخيانه ومشكلتى بقى انى لو مرتبطه بشخص لو هزر او كلم واحده بحس انها خيانه عرفه ان تفكيرى غلط يااحمد بس اعمل ايه بقى حولت اغير نفسى بس للاسف انا كائن غيور
والكدب ممكن اسامح بس بفضل فكراه دول اكتر حاجتين مقدرشى اسامح فيهم .
سورى يااحمد طولت عليك سلام.

عندك حق لازم الواحد يسامح ويغفر اذا كان ربنا بيغفر لعبيدة
فما بالك بينا احنا البشر لازم طبعا نسامح ونغفر علشان المركب تمشى
وانتى عندك حق اصعب حاجة على الانسان الخيانة والكدب
فى النهاية طبعا انتى صديقة البرنامج ونسمع يهمك فى اية لعمرو دياب

أمــــ الرومانسيةـــــيرة كتب:: الووووووووووو مساء الخير يا احمد
البرنامج بتاعك تحفة بجد
وياريت اكون صديقة البرنامج
طبعا التسامح فى الحب دة شئ جميل جدا
لاننا لما بنحب بجد بنسامح
وعلى فكرة الحب دة اجمل شئ فى حياتنا ومعنى سامى جدا لو فهمنا معناه صح
هنسامح
الحب فى رايى
عطاء ........ تسامح........... ود .......... وغير دة كتير
الحب دة هو السعادة اللى احنا بنعيشها وبنعيش فيها
لو مسامحتش حبيبك يبقى حرمت نفسك وحرمته من السعادة دى
بجد انا نفسى اوصلكوا قد ايه الحب جميل وعشان تحافظ عليه لازم تسامح اللى بتحبه
وقدرتك على التسامح بتدل على مدى حبك لحبيبك
وميرسى يا احمد على الموضوع الرائع
وبجد يستحق كلام اكتر من كدة بكتير
بس انا عارفة انى طولت عليك
باااااااااااااى

طبعا انتى صديقة البرنامج دا شرف ليا
لا انتى ولا طولتى ولا حاجة واهلا بيكى فى منتدانا قصدى فى البرنامج بتاعى
جميل ان الواحد يسامح ويغفر اخطاء حبيبة وزى مقولت قبل كدة
لازم نعدى علشان المركب تمشى قد اية الحب جميل
والتسامح فى الحب اجمل
يعنى لما حبيبك يزعلك وانتى تزعلى وييجى هو يصلحك ويقولك مش هعمل كدة تانى
ومتزعليش منى قد اية بتبقى جميلة اللحظة دى ويسلام لما تسامحية قد اية بيبقى طاير من الفرح
ونفسى يعملك اى حاجة بس من وجهة نظرى بيتهيالى ان الحاجة اللى الواحد ميقدرش يسامح فيها هيا الخيانة
حلفوة لما تشوفوة باليالى وفكروة ( حسام حبيب)

ومعانا اتصال تلفونى تانى ونقول الووووووووووووووو
مين؟ اينو
ازيك ياينو؟
انت بتدرس ياينو؟
انت مرتبط؟
يترى ايه حدود المسامحة فى الحب عندك؟؟ وايه اللى ممكن تسامحه
وايه اللى لايمكن تقدر تسامحه ابدا فى الحب؟؟

الووووووووو

ازيك يا احمد

انا ليا راى فى حكاية التسامح لو حبيبى خانى

انا ممكن اسامحه

لو انا طبعا متاكدة من حبه ليا

وممكن يكون عمل كدة من ضعف النفس

لكن لو اتكررت يبقى مش بيحبنى اصلا وبيتسلى

لكن لو عمل كدة مرة واحدة

وطلب منى اسامحه وحلفلى انه مش هيعمل كدة تانى

هسامحه

بس لو كررها يبقى مبيحبنيش وساعتها ميستاهلش انى افكر فيه لحظة

واحدة

ميرسى ليك يا احمد

انا نفسى اسمع اغنية

انا دنيته لجنات

ميرسى ليكى جدا ولاتصالك مرة تانية وسعيد بسماع صوتك اللى طبعا مسمعتهوش
وعلى فكرة انا عارف انة لو حبيبك خانك مرة هتسمحية وهيقولك مش هعمل كدة تانى ولو كررها
بردة هتسمحية وهيقولك مش هعمل كدة تانى ويرجع يغلط ونسامح
هو دا الحب وهو دا التسامح فى الحب
ربنا بيقول ان العبد بيخطا ويعصى ويقول يارب انا توبت اليك ويرجع يعصى ربنا تانى وربنا يتوب علية
والعبد يرجع يقول يارب انا توبت ومش هعمل كدة تانى ويرجع يعصى
هى دى طبيعة الانسان ومحدش مش بيغلط احنا بشر
وسعيد جدا بسماع صوتك اللى مسمعتوش
ومع الاسف مش هعرف اسمعك اغنية انا دنيتة علشان صوتى وحش
ههههههههههههههههه اسمعيها عندك وكانى سمعتهالك

بس يا احمد المسامحة ليها حدود و كمان مسألة الكرامة بتدخل فى الحسابات

ماعلينا الحمد لله على كل حال

و مستنينك ترجعلنا بقى بالسلامة