ياترى ممكن تأمن لها او تأمنى له, بعد كل ده ؟؟؟؟؟؟؟ عاوز مناقشة عشان دى حاجة بتحصل كتير الايام دى

من الاخر لو انت مرتبط بواحدة وبتحبها جداااا بس ظروفك فى الوقت الحالى ماتسمحلكش انك تتقدم المهم
وهيا اتقدم لها عريس ولنفرض انة اتفرض عليها وقالت لك انها مضطرة توافق
على الخطوبة مؤقتا وبعد كدة هترجع لك لما امورك تتصلح شوية ياترى ممكن
تقبل بكدة ؟؟؟؟؟؟؟؟؟
والبنات برضة اية رئيك لو حبيبك اتفرضت علية
بنت خالتة ولا اى حاجة زى كدة وقالك نفس الكلام كدة كدة راجع ياترى هتعملى
اية ياريت الكل يرد وناقش الموضوع دة؟؟؟؟؟

الموضوع حلو يامصطفى
يعنى ايه خطوبة مؤقتة ما هى بتبدى بكده وبعد كده الاهل يحطوهم ادام الامر الواقع
يعنى بالنسبة للبنت اهلها يقوللها انت لو سبتى خطيبك الناس تقول ايه ومش بعيد خطيبها ده
لوسابته وعرف انها بتحب واحد تانى ممكن يقول كلام مش كويس فى حقها وكمان كده حاتظلم
انسان معاها مالوش ذنب اما بالنسبة للولد لو مثلا بنت خالته اكيد اهله مش يخلوه يسيبها
لأن كده حايعمل مشاكل بين الاخوات وكلمتين من هنا ومن هنا يلبس فى الخطوبة والجواز
انا اعرف واحدة حصل معاها موقف زى ده وعن حب 3 سنين والولد قالها دى بنت عمى ومؤقتة
بس عشان ارضيهم ولما اكون نفسى حارجعلك وفضلت مستنيه ورفضت ناس كتيير بسببه وفجأة
مش بقى يرد عليها ويخترع حجج واخيرا لما رد عليها قالها ماتتصلش تانى وانا فعلا خاين
عشان باخون خطيبتى وانسى اه والله طب لما انت مش اد المسؤلية كان ليه توعدها والبنت دى صعبانه عليا اوى حالتها دلوقتى بجد الله يكون فى عونها
بس طبعا مش كله بيبقى كده اللى بيحب بجد يعمل المستحيل عشان يبقى مع حبيبه
معلش يادرش طولت عليك بس الموضوع فعلا مهم وعاوز مناقشات كتيير

تسلم يامصطفى على الموضوع
اكيد مش هوافق ابدا حتى لو بحبه لان انا كده بخون نفسى وبخونه وبخون الانسان اللى ملوش اى ذنب وخطبنى وطالما وفقت ولبست دبلته فى ايدى لازم احترمه واحترم نفسى قبله ومفكرشى حتى لو مجرد لحظه فى انسان كنت بحبه
ولو حصل العكس عمرى بردك مااوافق
خلاص الانسان اللى بحبه ده بقى ملك حد تانى وخاطب انسانه تانيه يعنى من المستحيل افكر فيه او حتى استناه

كلامك يا اثار انتى وهناءحلو اوى

ومقنع جدا

ربنا يسهلكم يا بنات