من غير اميلات

ممكن اخد اميلك ونكون اصحاب بجد

أصحاب أصحاب يعنى بمعنى كلمة الصداقه

أوقات كتير بتبقا مشدود لشخصيه معينه من كلامها

من طريقة تفكيرها من ردودها...بتحب تقرب منها

تدخل فى تفكيرها ...تعرف بتفكر ازاى

أو ممكن لسبب انك حابب تستفيد من العقليه دى او من خبرتها الى واضحه جدا فى طريقه الكلام

بس بيحصل ايه لما بتقرب

مواقف كتير بتحصل

لما بتقرب من انسان ....لاحظوا ان القرب دا أنواع

فيه قرب قريب جدا وفيه قرب بعيد.....طيب ازاى قرب بعيد دى هو فيه قرب بعيد؟؟؟

اه فيه لما بتاخد من شكل الحوار من برده وتقفش مع صاحب الحوار وممكن الكلام يوصل لمناقشه

والمناقشه توصل لاحتداد ويمكن كمان تطاول وتيجى القفله

وفى ثانيه تخسر الانسان ده من اول حوار حصل بينكم....وانت بقا تكون الخلفيه والانطباع ان الانسان ده موش كويس

شوف...أديك حكمت عليه من دقايق أهو(قرب بعيد)زى ماقولت

فيه بقا انسان بتقرب منه وممكن من أول مره تتكلم معاه تحس انك عارفه من زمان أوى وترتاحله

زى ماالرسول الكريم قال(الأرواح جنود مجنده)بتلاقى تواصل فى الشخصيه وفى التفكير وفى الكلام

زىمايكون كده صاحب بجد بيقرا أفكارك...زيه زيك فى كل حاجه

تدور عليه اما يغيب...وتستناه...وتفتقده

يبقا ازاى الناس بتكون جوا الاميلات ...أوقات بنتعلق بحد بعيد لانه من بعيد حلو وكويس

لكن لو قربنا منه الصورة بتقلب للنقيض...أو جايز موش بنفهمه

عشان كده ناس كتير بتؤمن بالمقوله دى


البعض نحبهم...ولكن ...
لكن لا نقترب منهم.. فهم في البعد أحلى.
.
وهم في البعد أرقى.. وهم في البعد أغلى


شوف كده نفسك...طلعت بكام صاحب بجد من الاميلات

وايه الوقت الى جه عليك وبتعمل أوف لاين من شخص معين..وألا عادى مقضيها اوف لاين

من غير ايميلات...
من غير كلام كثير...
من غير كلام من ورا شاشات سودا....(الشاشة المخيفة)
من غيرأوف ولاأون لاين....
من غير.................................
Face to Faceالصورة أوضح...
والكلام السليم:
البعض نحبهم ...ولكن!!!
لانقترب منهم...فهم في البعد أحلى...
وهو في البعد أرقى...
وهم في البعد أغلى...



موضوع جميل ....
شكراً ليك...