| هل ده موقف كل الشباب؟؟؟؟؟؟؟؟؟؟؟؟؟؟؟؟؟ | |
|
+11أثار Mr alaa love_story tiger توم & جيرى enass2 ramysabry درش mstlove99 YoOoYo sima_s 15 مشترك |
|
كاتب الموضوع | رسالة |
---|
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الخميس مايو 07, 2009 12:29 pm | |
|
الموضوع ده مش كلامى انا عجبنى فجبته ليكوا ____________________________________
اوعى تقف لبنت فى المترو ياجماعة احنا لازم نعمل وقفة .. من اللى هيه كده
دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،
والأخت إيناس الدغيدى تطلع تقول قصدى تقلع تقول ان الراجل همجى مش بيعرف في المرأة غير جسمها،
والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ملبن..حوش شعرك عشان نشوف جمال عقلك يا قمر والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ كل الكلام ده ماشى
والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان
والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟ البنت طبق كشرى بحاله من الكبير ابو تلاتة جنيه.. زيه زى الولد بالظبط
والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه
طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا المشكلة بقى مادام بيقولوا البنت زى الولد..أنا ليه باقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى أنا لما اركب المترو كام مرة في اليوم وكل مرة اكتشف انى لازم اقف عشانهم تبقى مشكلة أدخل المترو في أمان الله واقعد بعد جهد جهيد وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها
وتقول لصاحبتها:
معدتش باقدر أقف كتير يا سنية..
ترد عليها زميلتها واللبانة ف بقها:
ومين سمعك يا حبيبتشى..
الدكتشور قال لى انى لو وقفت على رجلى خمس دقايق هارجًّع ع اللى قدامى علطول
وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه انا هاقوم ابوس ايديها انها تقعد مكانى.. والله لو خلعتى شعرك كله واديتهولى على سبيل المقايضة زى قدماء المصريين..برضه مش واقف
وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟
ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى
طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولالا..سوفاااج..سوهاج..راجل ؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..
انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل
والبنت اللى في الجامعة آه لو شافت راجل في المترو.. هيغمى عليها من الخضة..
ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟
أيوة مادام فيه مساواة تبقى ف كل حاجة.
. زى ماانا باشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالتى يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب لى ف شعرها وتورينى دايما انها بتحط هيد أندشولدرز ضد القشرة عشان اقوم..لأنها زى ما بتحط هيد أندشولدرز أنا باحط برضه هيد أنشولدرز ومن الحجم الكبير كمان أبو عشرين جنيه..
المشكلة دى يحس بيها اللى بيركب المترو يوميا زيى.نفسى أحس انى جاى بدرى ولحقت كرسى بعرق جبينى وقاعد أصلى ركعتين شكر على الكرسى اللى فلت من بين يدى القوات الأنثوية الغاشمة
اوعى حد يفتكر انى مش باقوم عشان حد يقعد
.بس اقوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟
وكمان شوف الموقف ده.. اقف أنا عشان واحدة ست تقعد..واقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى أنا؟؟؟دانا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم: ألف ليلة وليلة.. قصة كل ليلة..احكى ياشهرزاد.. احكى لشهريار
وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..
طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا
القاعدة
الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى لا دين ولا منطق بيأيده.
.بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية. لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك المعفن الطيب
خد معاك وانت راكب المترو ..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد
خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق
منقول | |
|
| |
YoOoYo عضونشيط
عدد الرسائل : 130 العمر : 35 العمل/الترفيه : الكمبيوتر والفوتوشوب المزاج : عااااااااااال كليتك : آداب السٌّمعَة : 0 نقاط : 5739 تاريخ التسجيل : 12/11/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الخميس مايو 07, 2009 12:45 pm | |
| جااااااااااااااااااااااااااااااااااامد والله وعجبنى طريقه الكلام اوى تسلم ايدك يا بسمه
| |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الخميس مايو 07, 2009 3:13 pm | |
| ربنا يخليك يا يحيى وشكرا على مرورك يا قمر
بس مش قولتلى انت متفق معاه فى وجهة نظره
| |
|
| |
mstlove99 المشرف العام
عدد الرسائل : 1492 العمر : 35 كليتك : تجارة عين شمس جنسيتك : مصرى هل تحب منتدانا : نعم كيف تعرفت على منتدانا : صديقة احترام قوانين المنتدى : السٌّمعَة : 4 نقاط : 130874 تاريخ التسجيل : 24/07/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الخميس مايو 07, 2009 3:41 pm | |
| هههههههههههههههههههههههههههههه الراجل اللى كاتب الموضوع ده بيفهم وانا متفق مع كل كلمه قالها الله يعطيه العافيه انا كنت هعمل اقتباس لحاجه جبانى بس هعمل لايه ولا ايه ... ميرسى يا بسمه على نقلك للموضوع | |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الخميس مايو 07, 2009 3:53 pm | |
| ميرسى يا مصطفى يا عسل على مرورك ده ويا رب يكون الموضوع عجبك
| |
|
| |
درش المراقب العام
عدد الرسائل : 1166 العمر : 47 كليتك : كلية التجارة الخارجية السٌّمعَة : 2 نقاط : 9699 تاريخ التسجيل : 09/02/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الخميس مايو 07, 2009 9:47 pm | |
| هههههههههههههههههههههههههههههههههههههه والله العظيم زى العسل يا بسوووومه إنتى و اللى كتب الموضوع والله طبعاً هو معاه كل الحق فى كل كلمة قالها طبعاً................... لكن للأسف.............................................. ربنا خلق كل الرجالة قلبهم ضعيف أمام كل سلسال حواء مش نقدر فى الأخر بردو غير إننا نيجى على نفسنا . مهما قولنا أو إشتكينا.........فى الأخر بردو....بتصعبوا علينا فى الأخر . | |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الخميس مايو 07, 2009 9:52 pm | |
| ربنا يكرمك يا درش ويخليلك قلبك الطيب ده منور يا قمر الموضوع
| |
|
| |
ramysabry عضو مميز
عدد الرسائل : 971 العمر : 34 كليتك : تجاره جنسيتك : مصرى هل تحب منتدانا : نعم كيف تعرفت على منتدانا : صديق السٌّمعَة : 0 نقاط : 8142 تاريخ التسجيل : 25/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الجمعة مايو 08, 2009 2:42 pm | |
| التوبيك جامد اخر حاجه
وانا متفق معاه فى كل كلمه قالها يا بسوم
ومشكوره على المواضيع الجامده
| |
|
| |
enass2 الادارة
عدد الرسائل : 2764 العمر : 36 العمل/الترفيه : رسم المزاج : عادى الدنيا كدة كدة ماشية كليتك : تربية جنسيتك : مصرى هل تحب منتدانا : جدا كيف تعرفت على منتدانا : احلى دليل احترام قوانين المنتدى : السٌّمعَة : 4 نقاط : 120291 تاريخ التسجيل : 21/07/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الجمعة مايو 08, 2009 3:38 pm | |
| ههههههههههههههههههههههه حلو يا بوسى الموضوع اوى وحلوة النصايح بس لازم ايناس تيجى سيرتها وتتشرد كدة وكمان الشامبو ب 15 مش ب 20 هننصب بقي | |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الجمعة مايو 08, 2009 5:12 pm | |
| هههههههههههههههههههههه منورة يا نوسة انتى ورامى شكرا على مروركم بس انا جيبت الشامبو ب 19.5 يا ايناس يعنى مش بينصب ولا حاجة
| |
|
| |
توم & جيرى عضو مشارك
عدد الرسائل : 40 العمر : 37 كليتك : دبلوم صناعة وليا الفخر جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 5563 تاريخ التسجيل : 18/04/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الجمعة مايو 08, 2009 6:05 pm | |
| | |
|
| |
ramysabry عضو مميز
عدد الرسائل : 971 العمر : 34 كليتك : تجاره جنسيتك : مصرى هل تحب منتدانا : نعم كيف تعرفت على منتدانا : صديق السٌّمعَة : 0 نقاط : 8142 تاريخ التسجيل : 25/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ السبت مايو 09, 2009 8:36 am | |
|
على فكره الشامبوهات كلها نازل عليها تخفيضات جامده اخر حاجه يا بسمه
بلاش نصب
| |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الأحد مايو 10, 2009 8:53 pm | |
| والله لا نصب ولا حاجة انا فعلا اشتريت الشامبو ب 19.5 بس من فترة مش اليومين دول يعنى
| |
|
| |
enass2 الادارة
عدد الرسائل : 2764 العمر : 36 العمل/الترفيه : رسم المزاج : عادى الدنيا كدة كدة ماشية كليتك : تربية جنسيتك : مصرى هل تحب منتدانا : جدا كيف تعرفت على منتدانا : احلى دليل احترام قوانين المنتدى : السٌّمعَة : 4 نقاط : 120291 تاريخ التسجيل : 21/07/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الأحد مايو 10, 2009 8:57 pm | |
| هههههههههههههههههههههههه يمكن عندك غالى بقى ولا يهمك يا قمر | |
|
| |
tiger عضونشيط
عدد الرسائل : 173 العمر : 34 العمل/الترفيه : شغل مؤقت لما اخلص واشتغل هقولك المزاج : عايش كليتك : الحقوق جنسيتك : مصرى هل تحب منتدانا : نعم كيف تعرفت على منتدانا : جوجل السٌّمعَة : 0 نقاط : 8211 تاريخ التسجيل : 02/05/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الإثنين مايو 11, 2009 1:51 am | |
| جميل الموضوع والله يا بسمه بس ده بالنسبه للي بيركب المترو طيب اللي بيركبو اتوبيس تلا او القطر مهو ده برده بيحصل معاهم علي فكره
| |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الإثنين مايو 11, 2009 2:39 pm | |
| شكرا يا محمد على مرورك وبعدين مش شرط يحصل ده فى المترو بس زى ما قولت فى الاتوبيسات والقطر برده بس على فكرة فيه حاجة بتحصل دلوقتى وحصلت معايا انا شخصيا والله ان البنات بقت تقوم تقف وتقعد الناس الكبار فى السن سواء راجل او ست لما الشاب من دول يعمل نفسه عبيط او مش شايف يستهبل فيها يعنى ههههههههههههههههههههه. | |
|
| |
love_story مشرفة مؤسسة
عدد الرسائل : 1399 العمر : 35 السٌّمعَة : 0 نقاط : 9372 تاريخ التسجيل : 30/08/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الإثنين مايو 11, 2009 3:52 pm | |
| عثل يابسموم تسلم ايدك ياقمر | |
|
| |
Mr alaa رئيس ادارة المنتدى
عدد الرسائل : 1921 المزاج : عال العال كليتك : تربية رياضية جنسيتك : مصرى هل تحب منتدانا : جدا احترام قوانين المنتدى : السٌّمعَة : 10 نقاط : 247353 تاريخ التسجيل : 24/06/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الإثنين مايو 11, 2009 5:37 pm | |
| بجد بجد الموضوع جامد جدا وكل كلمة صح وبيحصل فعلا بس انا اتعلمت مبقتش بقوم غير لواحد او واحدة كبيرة فى السن دة اذا لعب الحظ معايا واعدت غير كدة يبقى انسى يا عمرو وميرسى جدا ليكى يا بسمة على الموضوع الجامد دة | |
|
| |
tiger عضونشيط
عدد الرسائل : 173 العمر : 34 العمل/الترفيه : شغل مؤقت لما اخلص واشتغل هقولك المزاج : عايش كليتك : الحقوق جنسيتك : مصرى هل تحب منتدانا : نعم كيف تعرفت على منتدانا : جوجل السٌّمعَة : 0 نقاط : 8211 تاريخ التسجيل : 02/05/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الإثنين مايو 11, 2009 8:35 pm | |
| - sima_s كتب:
- شكرا يا محمد على مرورك وبعدين مش شرط يحصل ده فى المترو بس زى ما قولت فى الاتوبيسات والقطر برده بس على فكرة فيه حاجة بتحصل دلوقتى وحصلت معايا انا شخصيا والله ان البنات بقت تقوم تقف وتقعد الناس الكبار فى السن سواء راجل او ست لما الشاب من دول يعمل نفسه عبيط او مش شايف يستهبل فيها يعنى ههههههههههههههههههههه.
العفو يا بسمه بس بجد والله المفروض ان ده اللي يحصل ويا ريت كلنا نعتبر ان البنت اللي واقفه دي زي اختنا والست الكبيره زي وامنا والراجل الكبير زي والدنا يعني يا علاء مش زي ما بتقول راجل كبير او ست بس وبعدين خلاص يا بسومه عرفنا ان انتي بتقومي للناس في الاتوبيس هههههههههههه
| |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الثلاثاء مايو 12, 2009 3:58 pm | |
| ميرسى يا هناء انتى وعلاء على مروركم ويا رب يكون الموضوع عجبكو يا شباب | |
|
| |
ramysabry عضو مميز
عدد الرسائل : 971 العمر : 34 كليتك : تجاره جنسيتك : مصرى هل تحب منتدانا : نعم كيف تعرفت على منتدانا : صديق السٌّمعَة : 0 نقاط : 8142 تاريخ التسجيل : 25/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الثلاثاء مايو 12, 2009 4:08 pm | |
| يا بسمه بطلى نصب
شامبو دوف
مش كده ولا انا غلطان وبعدين انا ببيعه فى الصيدليه ب19
وبيجيلى ب16
بس على فكره دوف طلع تعبان واسم على الفاضى
فى شامبو اسمه هيربال اسينسيز
كان ب20
ونازل عليه تخفيض ب16
مستورد زى دوف بس اجمد بمراحل
جربيه وادعيلى
ولا اقولك ليكى واحد منى هدبه خطوبتك
| |
|
| |
sima_s مشرفة مؤسسة
عدد الرسائل : 1800 العمر : 35 الموقع : every where المزاج : Happy كليتك : علوم جنسيتك : مصرى هل تحب منتدانا : جدا كيف تعرفت على منتدانا : جوجل السٌّمعَة : 4 نقاط : 11482 تاريخ التسجيل : 07/03/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الثلاثاء مايو 12, 2009 4:55 pm | |
| ههههههههههههههههههههه ايه ده يا رامى احنا قلناها خناقة على الشامبو ولا ايه
ماعلينا اهم حاجة فى الموضوع ده كله انى ليا واحدة هيربل اسينسيز هدية انا موافقة يلا
| |
|
| |
enass2 الادارة
عدد الرسائل : 2764 العمر : 36 العمل/الترفيه : رسم المزاج : عادى الدنيا كدة كدة ماشية كليتك : تربية جنسيتك : مصرى هل تحب منتدانا : جدا كيف تعرفت على منتدانا : احلى دليل احترام قوانين المنتدى : السٌّمعَة : 4 نقاط : 120291 تاريخ التسجيل : 21/07/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الأربعاء مايو 13, 2009 5:06 pm | |
| هههههههههههههههه نخلى الموضوع مناقشة على الشامبو
انا كمان عايزة اشمعنا بوسى يلا مش مهم انا وبوسى واحد | |
|
| |
tiger عضونشيط
عدد الرسائل : 173 العمر : 34 العمل/الترفيه : شغل مؤقت لما اخلص واشتغل هقولك المزاج : عايش كليتك : الحقوق جنسيتك : مصرى هل تحب منتدانا : نعم كيف تعرفت على منتدانا : جوجل السٌّمعَة : 0 نقاط : 8211 تاريخ التسجيل : 02/05/2009
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الأربعاء مايو 13, 2009 5:41 pm | |
| ايه ده نرجع لموضوعنا الاصلي رامي اوعي تنسي الشامبو بتاعي بس انا مش بستعمل غير هيد ان شولدرز يلا سلام | |
|
| |
أثار عضو مميز
عدد الرسائل : 679 العمر : 34 الموقع : فى السجن العمل/الترفيه : الرسم وسمى وحيييش المزاج : يعنى كليتك : آداب السٌّمعَة : 0 نقاط : 5877 تاريخ التسجيل : 21/08/2008
| موضوع: رد: هل ده موقف كل الشباب؟؟؟؟؟؟؟؟؟؟؟؟؟؟؟؟؟ الأربعاء يونيو 10, 2009 11:46 pm | |
| الموضوع حلو اوى وفعلا ده حقيقى ومعظم الشباب مش بيقعدوا لا الكبير ولا الصغير
مرة حصل فى المينى واحد كبير واقف وتلاتة شباب اقعدين يضحكوا بصوت عالى والراجل مش قادر يقف وشكله تعبان ومعاه علاج كتير اوى ودول ولا فى الدماغ ولا كأن الراجل ممكن يكون بابا واحد فيهم وبيتعب عشان يوفر لهم كل حاجة تسلمى يا بسمة | |
|
| |
| هل ده موقف كل الشباب؟؟؟؟؟؟؟؟؟؟؟؟؟؟؟؟؟ | |
|