فضفضة .................(فى حب الله)

بتحب ربنا؟؟؟؟؟؟؟

ده سؤال يعنى اكيد طبعا بحبه

طيب كده تمام أوى

طيب احنا لما بنحب حد بنقعد نتكلم عنه ليل ونهار

ياترى امتى آخر مرة اتكلمت عن ربنا

فكر شوية كده...........
طيب خلاص

احنا بقى عايزين هنا نفضفض ونتكلم عن ربنا علشان لما نتكلم عنه اكتر اكيد هانحبه اكتر ان شاء الله

طيب ماتيجوا نشوف كده

ياترى ربنا بيحبك؟؟
قصدك مين أنا!!!!!!!!!!

ربنا يحبنى انا!!
أيوة انت اللى بتتكلم انت
ايوة طبعا ربنا بيحبك ان شاء الله

طب ازاى ربنا بملكه وملكوته وقدرته الواسعة يحبنى انا العبد الضعيف اللى دايما بيغلط؟؟

طيب ركز معايا شوية كده

بيحبك.....لانه اختارك انت من امة النبى عليه الصلاة والسلام وانك تكون مسلم

الا يكفيك شرفا انك مسلم؟؟؟؟؟؟؟
لو مش بيحبك..........ماكنش اختارك انت وسمعك الكلام ده

بيحبك........علشان كده...... بيقربك منه خطوة خطوة
بيحبك........علشان كده.... بييسر ليك طاعته وبيفتح ليك ابواب للطاعات
بيحبك.........علشان كده ......احيانا كتير بيبعدك عن معصيته
بيحبك.....علشان كده....... وفقك لصحبة صالحة تاخد بأيدك

ربنا بيقول وما تقرب الى عبدى بشئ أحب مما افترضته عليه
ولا يزال عبدى يتقرب الى بالنوافل حتى احبه
يااااااااااااااه استشعر الكلمة دى اوى ...........حتى احبه

فإذا
احببته كنت سمعه الذى يسمع به وبصره الذى يبصر به ويده التى يبطش بها
ورجله التى يمشى بها ولئن سألنى لاعطينه ولئن استعاذ بى لاعيذنه

يعنى احنا لما حد يعمل معانا معروف بنبقى مش عارفين نشكره ازاى..........ما بالك بقى ربك وحبيبك اللى انت غرقان فى نعمه ليل ونهار

ده
لما ربنا يحبك.......بينادى فى اهل السماء وينادى على سيدنا جبريل ويقوله
ياجبريل انى احب فلان فأحبه فيحبه جبريل وبعدين ينادى فى الملأ الاعلى
ويوضع له القبول فى الارض

ياااااااااااااااااه يارب انت كريم اوى
وبعد ده كله بنقصر واللى يقول مش هاصلى الصلاة فى وقتها ومش هاقوم الفجر

هو ربنا محتاج منك حاجة ده كله علشان مصلحتك انت

ها حبيته اكتر ولا لسه شوية؟؟؟؟؟؟؟؟

احنا هنا بقى عايزين نفضفض مع ربنا ........يعنى كل حد يدخل يكلم ربنا ويقول كل اللى فى نفسه
ينسى
خالص ان فى حد حواليه اتكلم براحتك خالص وانت لما تتكلم وتقولنا انك بتحب
ربنا ليه ؟وتفضفض وانا افضفض وغيرى وغيرى اكيد كلنا هانحب ربنا اكتر مع بعض

يالا مستنية الفضفضة ومش لازم كله فى مشاركة واحدة
كل ماتكون عايز تتكلم مع ربنا ادخل هنا وفضفض براحتك

دعوة للفضفضة
ربنا يحبكم يارب

[/size]

بصراحة الموضوع عجبنى اوى يا شيماء
وربنا يجزيك خير على كل كلمة كتبتيها

انا بقى هفضفض

انا بجد اوقات كتير اوى بقصر فى طاعة الله بس مش ببقى مستريح نفسيا وانا عارف دة كويس وكمان عارف الحل

وكل فترة احاول ارجع لربنا وببقى تمام اوى
بس برجع تانى
المشكلة انى الدنيا مش مساعدانى يعنى كل شوية بتحصلى مصيبة
اخرج منها تطلعلى غيرها وعلى كدة باستمرار وبقالى فترة كدة الموضوع دة واضح اوى معايا

دة غير انى مش بعدى سنة فى الكلية صافى لازم اشيل مواد

يارب انا نفسى اقرب منك اكتر
ساعدنى يارب وساعد كل الشباب اللى فى سنى وكل الناس

ويارب اعدى السنادى وانجح صافى من غير ما اشيل مواد لان دى اخر سنة
وعايز الفرحة تكمل عشان ابدا اشوف مستقبلى

يااااااااااااارب استجيب لدعائى

دعوة لكل عاصى انة يتقر بمن ربة ويدعية

موضوع رائع ياشيماء ربنا يجزيكي خير
اما بالنسبه ليا انا بحب ربنا اوووووووووووووووووووووي اووووووووووووي
وبدعي ربنا ديما ربنا يرزقني حبه وحب من يحبه وبدعي ديما ان ربنا يكون راضي عني وعن المسلمين
ولما بحس ان بعدت عنا ربنا بحس بكأبه واكون مضيقه ولما اعد افكر انا حسه بده ليه
اعرف اني مقصره اوي ويدوب اصلي ركعتين لربنا وادعي ربنا يهديني والله بحس براحه غريبه اوي
انا بحبه اووي
ولما اجيب السبحه وازكر ربنا واسبحه ياه بحس اني بزرع وببني بيوت في الجنه ومكنش عاوزه اسيب السبحه واعد افكر مع نفسي واقول ياه بمجرد ما انا بسبح وبذكر ربنا بعمل للاخره واعد استمتع
والله بحبه اوي
وخصوصا ان ربنا حققلي امنيه كنت بدعيه بيها على طول وكنت متاكده انه هيحققلي امنيته لاني متاكده انه مبيردش دعاء عبد من عباده لانه بيحبنا اوي

اجمل نعمه ربنا ادهلنا نعمه الاسلام
الحمد الله على نعمه الاسلام

بحبك يـــــــــــــــــــــــــارب

ا

زائر

بارك الله فيكي يا شيماء على موضوعك الرائع هذا
جعله الله في ميزان حسناتك
اريد ان اقول انه من اسباب الثبات الصحبة الصالحة فاحرصوا على صحبة صالحة تعينكم عل طاعة الله

هو أولا انا سعيده جدا انكم بدأتوا تفضفضوا مع ربنا
وشكرا على مروركم جميعا

فى مقوله بتقول لا تستغرب وقوع الاكدار ما دمت فى هذه الدار

يعنى طول ما احنا فى الدنيا بيبقى فى اختبارات وابتلاءات وهم وكدر لاننا فى الدنيا ولازم يحصل كده

ومش معنى ان الواحد عنده شوية مصائب مثلا يبقى ربنا مش بيحبه لا والله ده ربنا بيحبك اوى
طيب ركز معايا كده

فى عبارة بتقول ..من ذاق عرف ومن عرف اغترف

احنا عايزين نكمل كلامنا عن ربنا وحبه

علشان لما نتكلم عنه هانحبه..ولما نحبه هانشتاقله..ولما هانشتاقله هانبقى عايزين نعمل اى حاجة ترضيه

عايزين نحاول نتكلم شوية عن............ ربنا الكريم

ربنا كريم أوى وانت كمان غالى عنده اوى وهو كرمك وقال.........ولقد كرمنا بنى آدم

طيب تعالوا كده نشوف رحمة ربنا وكرمه لما يشعر انسان بالهم مثلا

انت اللى ربنا أكرمك وأعطاك كل النعم اللى انت عايش فيها دى

ازاى تحس بالهم

عادى يعنى اى حد بيحس بالهم ..بس بتفرق امتى ..لما تحس ان ربنا كريم ودايما معاك حتى فى همك

بس ازاى تحزن .........وانت ليك رب كريم خلقك فى أحسن تقويم ورزقك بغير حساب

ده كمان لما بتكون مهموم بيكافئك وبيديلك حسنات كمان

ايه الكرم ده ياربى؟؟؟؟؟؟؟

قال رسول الله صلى الله عليه وسلم

ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه

يعنى لما تكون مهموم مثلا وتستشعر ان ربنا معاك وكمان بيكافئك يااااااااااااااااااااه

يابختك ياعم حتى كمان وانت مهموم كله فى ميزان حسناتك

يارب انت عظيم أوى وكريييييييييييييييم أوى

ازاى تحزن..........وانت عارف ان ليك رب بيحبك

ازاى تحزن ...........وانت ليك رب بيبسط يده بالليل ليتوب مسئ النهار ..ويبسط يده بالنهار ليتوب مسئ الليل

ده ربك بينادى عليك كل ليلة

بينادى على انا؟

ايوة انت وبيقولك..هل من مستغفر فأغفر له
هل من تائب فأتوب عليه
هل من صاحب حاجة فأعطيها له

ايه ياربى الكرم ده كله

بتحبنا وبتتودد لينا كمان
صحيح..ليس العجب من عبد يتودد الى سيده ولكن العجب كل العجب من ملك يتودد الى عبيده

يعنى ربنا بيحبك أوى

هاتقولى ده انا عندى معاصى كتيييييييييييير اوى

طيب مش مشكله ارجعله انت بس ومالكش دعوة والله

هايقبلك ويتوب عليك ويبدل سيئاتك حسنات كمان وهايفرح بيك

ربنا بيفرح بتوبة عبده ..اكتر من فرحة عبده بتوبته

ورسول الله بيضرب لينا مثل

مشى
رجل فى الصحراء ومعه دابته عليها طعامه وشرابه فأسرعت الدابة مهرولة حتى
ابتعدت عنه..فملأ اليأس قلب هذا الرجل وحفر حفرة فى وسط الصحراء وجلس
عليها ينتظر الموت بعد فقدان الامل من عودة الدابة

فما هى الا دقائق وتعود الدابة محملة بالطعام والشراب واقفة فوق رأس الرجل ..فنظر اليها الرجل شاكرا ربه حامدا اياه

ولشدة فرحه أخطأ فى التعبيرعن شكره فقال:
اللهم انت عبدى وأنا ربك..
فقال رسول الله صلى الله عليه وسلم:أتدرون ؟إن الله أفرح بتوبة عبده من هذا الرجل

شوفت ربك هايفرح بيك أد ايه

ربنا بيحب يسمع صوتك وكلامك وانت بتدعيه
ده كمان ممكن يأخر استجابة الدعاء شوية علشان تفضل تدعيه ويسمع صوتك دايما

ادعى انت بس وابكى بين ايده ..انت اصلا ليك غيره؟؟؟؟؟؟؟

اه كل الناس حواليك........بس هو اللى عالم بيك..هو عالم بيك أكتر من نفسك
ونحن أقرب اليه من حبل الوريد

ولما تفضفض له والله ان شاء الله هاتستريح
لانه بيحبك وهايريح قلبك

وبدام احنا فى الدنيا يبقى مش هانستقر على حال

ومن يكثر قرع الباب يوشك أن يفتح له..ومن يكثر الدعاء يوشك أن يستجاب له

ها حبيته ولا لسه؟؟؟؟؟؟؟

شوية شوية بنحاول نحبه

شوية شوية نحاول نقرب له

احفظ
هذه الكلمات :

أيــــها
الـــحـــاملُ هــــــمــــــاً .. إن الـــهم لا يدوم .
مثـــلما
تــفــــنى المــــسرات .. كذلك تفنى الهموم

[/size]

ربنا يجزيكي خير يا اجمل شيماء وجعله في ميزان حسناتك
كلام فوق الرائع والله لانه كلام عن العزيز عن الكريم عن المجيب عن البصير عن الغفور عن المعين عن التواب عن الرحيم عن الله عز وجل

الهم اجمعنا جميعا في جنات عدن

جزاكى الله خيرا ياشيماء بجد ده موضوع اكثر من رائع
انا بحب ربنا والحمد لله ربنا كرمنى وبيكرمنى فى كل شى فى الدنيا فى الصغيره والكبيره ونفسى ربنا يثبتنى ويهدينى اكتر واكتر لان بجد كل مابقرب كل مابحس بسعاده وبحس انى طيره فى السماء

زائر

اما انا فعند غضبى وانفعالى فانى اعزل نفسى حتى استطيع حساب نفسى ومعرفة سبب تقصيرى فى عبادة الله واقوم بتلاوة القران الكريم
حي الطمانينة والراحة النفسية
"الا بذكر الله تطمئن القلوب"
كما ان الانسان الذى لا يقرا القران كالانسان الميت,اضع الموت نصب عينى ماذا فعلت ليوم القاه فيه,واتذكر ان الله غفور رحيم يقبل التوبة عن عباده

نكمل فضفضة

عايزين نعرف ان العلاقة بينا وبين ربنا قائمة على الحب

والحب ده كان من طرف واحد من قبل ما ربنا يخلق الدنيا بخمسين ألف سنة

أول ما خلق الله خلق القلم قال ..اكتب قال ..وما اكتب..قال اكتب ما هو كائن الى يوم القيامة

يااااااااااااه
يارب يعنى انت بتفكر فيا وبتحبنى من قبل ماتخلق الدنيا اصلا وكمان
اختارتنى انى اكون من امة حبيبك النبى صلى الله عليه وسلم ......اختارتنى
انا

وكمان بعدها كتبت عندك ان رحمتى سبقت غضبى

وكمان خلقت لى الجنة علشان استمتع بيها وهى مخلوق من مخلوقاتك

وده كله لا يزيد او ينقص من ملكك شئ ده كله علشان انت بتحبنا

يارب احنا ضعفاء اوى لازم نعرف مقامنا علشان نعرف مقام ربنا

ولما نعرف مقامه اكيد هانعرف مقامنا كويس

لازم نعرف اننا عايشين فى ملك الملك عز وجل عايشين فى حماه واحنا مش بأيدينا اى حاجة خااااااااااااااااااااالص

عايزين نعيش فى الدنيا واحنا شايفين الملك عز وجل

كل حاجة عندنا وبنقول انها بتاعتنا هى فى الاصل مش بتاعتنا هى ملك للملك عز وجل وهو اللى سمح لك تتمتع بيها

فى فرق كبير بين المالك.........والملك

ممكن تكون بتملك حاجة لكن مش قادر مثلا تتصرف فيها لكن الملك...........هو المهيمن والمتصرف اصلا فى كل شئونك

هو كل شئ اصلا فى حياتك بأيد مين؟؟؟؟؟؟؟؟؟؟؟؟

مش بأيد الملك عز وجل

مين اللى ممكن يسعدك؟؟؟؟؟؟؟؟؟؟؟

مين اللى ممكن يرزقك؟؟؟؟؟؟؟؟؟؟

مين ؟؟؟؟؟؟؟؟؟مين؟؟؟؟؟؟؟؟؟مين؟؟؟؟؟؟؟؟؟؟

كل حاجة ربنا

هو انت يعنى لو كنت سعيد مش ربنا هو اللى اذن لقلبك اللى هو عبد من عبيد ربنا انه يبقى سعيد

فى مقولة بتقول...........بضدها تتميز الاشياء

يعنى لما نعرف ضعفنا اكيد هانحس بقوته

والاصل فى الانسان النقصان

احيانا كتير بننسى وننسب اعمالنا لنفسنا وان احنا اللى بناخد القرارات من دماغنا واننا نقدر نمشى حياتنا كويس اوى

واحنا اصلا ولا حاجة فى ملك ربنا هو كل شئ

دقات قلبك دى ملك مين؟؟؟؟؟؟؟؟

روحك؟؟؟؟؟؟؟

جسدك كله؟؟؟؟؟؟؟؟

كيف يحجبك عنه شئ وهو الذى خلق كل شئ

والله مش شطارة مننا ولا حاجة هو الملك الذى لا يكون فى ملكه الا ما يريد اى حاجة بتعملها هو اللى سمح لك تعملها سبحانه وتعالى

عايزين من دلوقتى نعرف مقامنا واننا عايشين فى ملك الملك

واى حاجة عندك هو ربنا اللى اعطاها ليك بقدرته عز وجل

ها بدأنا نحبه اكتر؟؟؟؟؟؟؟؟؟؟؟؟

اكيد انا سامعه ناس بتقول ااااااااااااااااااااه

يارب نحبه اكتر واكتر ويحبنا

ربنا يحبكم ويرضى عنكم

ومنتظرة خواطركم

زائر

اولا -السلام عليكم ورحمه الله وبركاته
ثانيا-جزاكى الله خيرا عن هذه الفضفضه الرائعه جعلها الله فى ميزان حسناتك اللهم آمين

ثالثا- من نحن حتى يحبنا الله عز وجل نحن العصاه المذنبين ينادى علينا الله (يا أيها الذين آمنوا توبوا الى الله توبه نصوحا ) حتى ونحن مذنبين يقول الله عز وجل لنا يا ايها الذين امنوا

ما اعظمك ربى وما اجملك وما أرافك بعبادك وما ارحمك بهم .

بجد يجماعه انا والله عايز افضفض معاكوا بجد والحمد لله انى لقيت صحبه صالحه تذكر بالله

علشان احكى معاهم همومى وتقصيرى فى جنب الله

انا بجد بحس بكل معصيه اعملها فى حياتى كلها تكدير وغضب من الوالدين وعدم رضا عن النفس وبعد اصحاب الخير عنى وتقرب اصحاب السوء منى فاعلم انى اخطات فى حق الله عز وجل فاجلس فى غرفتى ليلا احاسب نفسى قبل النوم فارى انى لا استحق العيش مع هذه الذنوب ولكن سرعان ما اتذكر قول الرسول صلى اله عليه وسلم (ان ربنا ينزل فى ثلث الليل الاخر فيقول هل من تائب فاتوب عليه هل من مستغفر فأغفر له هل من كذا هل من كذا حتى يطلع الفجر) فاقوم فاتوضأ واصلى ما شاء الله لى ان اصلى ثم ادعوا وانا واثق من ان الله لايخيب رجاء احد من عباده .

وانا اريد ان افضفض معكم بشئ لا يعلمه احد الا الله وانا وهو اننى جئت فى وقت معين وقد تركت الصلاه واهملت فيها اصلى وقت واترك اخر ولقد رأيت عاقبه ذلك فى كل شئ فى حياتى فى معاملات الاخرين معى وكثره المشاكل من كل جانب حتى مع اقرب اصدقائى ورأيت الحياه قد ضاقت على واحسست بشئ لم احس به من قبل الا وهو ضيق الصدر وحاسس انى مخنوق حتى وانا اضحك(( فاللهم اغفر لى ما قدمت وما اخرت وما اعلنت وما اسررت ))اللهم آمين

وانا ابشركم الحمد لله انى بما ان الرسول صلى الله عليه وسلم قال ((العهد الذى بيننا وبينهم الصلاه فمن تركها فقد كفر )) فانى قد اعتبرت نفسى من هذا النوع من الناس ولقد قمت واغتسلت وتوضأت ونطقت الشهادتين .

فاللهم تقبل منى توبتى واقبل حوبتى اللهم آمين

وارجو منكم جميعا الدعاء لى .

زائر

الحمد لله الذى هدانا لنعمة الاسلام والايمان , فالاسلام وحده لا يكفى من التقرب الى الله لابد من الاجتهاد فى العبادة والعمل الصالح فلم يذكر الله تعالى فى كتابه الكريم الايمان الا ووراءه العمل الصالح " الا الذين ءامنوا وعملوا الصالحات". وفى ايات اخرى كثيرة

كما ذكرنا بعدم القنوط من رحمة الله
"يا ايها الذين ءامنوا لا تقنطوا من رحمة الله"
اللهم تقبل منا صالح الاعمال واهدى شباب الاسلام

زائر

انا النهارده اليوم الحمد لله ربنا كرمنى اخر كرم لاننى كان عندى امتحان والحمد لله

وياربب ربنا يكرمكو كلكوا وانا بجد مش عارف اوصف حبى لربنا مش بس النهارده والله كل يوم لما بقعد مع نفسى وانظر لجسدى ولعينى ولخلقتى اقول الحمد له الذى خلقنى فى احسن صوره

وفضلنا على كثير من عباده

محمد مصطفى كتب:: اولا -السلام عليكم ورحمه الله وبركاته
ثانيا-جزاكى الله خيرا عن هذه الفضفضه الرائعه جعلها الله فى ميزان حسناتك اللهم آمين

ثالثا- من نحن حتى يحبنا الله عز وجل نحن العصاه المذنبين ينادى علينا الله (يا أيها الذين آمنوا توبوا الى الله توبه نصوحا ) حتى ونحن مذنبين يقول الله عز وجل لنا يا ايها الذين امنوا

ما اعظمك ربى وما اجملك وما أرافك بعبادك وما ارحمك بهم .

بجد يجماعه انا والله عايز افضفض معاكوا بجد والحمد لله انى لقيت صحبه صالحه تذكر بالله

علشان احكى معاهم همومى وتقصيرى فى جنب الله

انا بجد بحس بكل معصيه اعملها فى حياتى كلها تكدير وغضب من الوالدين وعدم رضا عن النفس وبعد اصحاب الخير عنى وتقرب اصحاب السوء منى فاعلم انى اخطات فى حق الله عز وجل فاجلس فى غرفتى ليلا احاسب نفسى قبل النوم فارى انى لا استحق العيش مع هذه الذنوب ولكن سرعان ما اتذكر قول الرسول صلى اله عليه وسلم (ان ربنا ينزل فى ثلث الليل الاخر فيقول هل من تائب فاتوب عليه هل من مستغفر فأغفر له هل من كذا هل من كذا حتى يطلع الفجر) فاقوم فاتوضأ واصلى ما شاء الله لى ان اصلى ثم ادعوا وانا واثق من ان الله لايخيب رجاء احد من عباده .

وانا اريد ان افضفض معكم بشئ لا يعلمه احد الا الله وانا وهو اننى جئت فى وقت معين وقد تركت الصلاه واهملت فيها اصلى وقت واترك اخر ولقد رأيت عاقبه ذلك فى كل شئ فى حياتى فى معاملات الاخرين معى وكثره المشاكل من كل جانب حتى مع اقرب اصدقائى ورأيت الحياه قد ضاقت على واحسست بشئ لم احس به من قبل الا وهو ضيق الصدر وحاسس انى مخنوق حتى وانا اضحك(( فاللهم اغفر لى ما قدمت وما اخرت وما اعلنت وما اسررت ))اللهم آمين

وانا ابشركم الحمد لله انى بما ان الرسول صلى الله عليه وسلم قال ((العهد الذى بيننا وبينهم الصلاه فمن تركها فقد كفر )) فانى قد اعتبرت نفسى من هذا النوع من الناس ولقد قمت واغتسلت وتوضأت ونطقت الشهادتين .

فاللهم تقبل منى توبتى واقبل حوبتى اللهم آمين

وارجو منكم جميعا الدعاء لى .

جزانا واياكم ان شاء الله

وشئ مهم جدا فعلا وبيأثر فى الانسان كتير هى الصحبه

كل واحد كده المفروض يدور حواليه ويبص لاصحابه ياترى هما دول الناس اللى تحب تموت فى وسطهم وتحشر معهم ولا لأ؟؟؟؟؟؟؟؟؟؟؟؟؟؟؟؟؟

أكيد سؤال لازم كل حد فينا يسأله لنفسه

ياترى اصحابك دول بيقربوك من ربنا ولا بيبعدوك عنه

الصاحب بجد اللى بيكون معاك وبياخد بأيدك دايما حتى لو حسيت بشوية فتور مثلا بيفوقك وبيكون جنبك دايما

(الأخلاء يومئذ بعضهم لبعض عدو الا المتقين)

ياترى اصحابك دول هايكونوا اصحابك فى الاخره كمان ولا هايجوا يوم القيامه ويقولولك مالناش دعوه انت اللى عملت فى نفسك كده

ربنا يهدينا جميعا ويرزقنا بصحبه صالحه تعيننا على طاعته يارب

زائر

جزاكى الله خيرا يا بنت الاسلام على كلامك الجميل والاصحاب فعلا مهمين جدا وهم سبب السعادة او الشقاء لاصحابهم فكما قال الرسول صلى الله عليه وسلم " المرء على دين خليله فلينظر احدكم من يخالل " كذلك قال تعالى فى كتابه الكريم

"ياليتنى لم اتخذ قلانا خليلا"

جزاكوا اللة خيرا اخوانى فى اللة بجد كلامكوا جميل جدا

انا مش عارفة اقول اية بعد الكلام الرائع اللى مكتوب

كل اللى اقدر اقولة ان من الايمان ان يرفع المسلم شكواة

الى اللة فيتوكل على اللة ويلجا الى اللة ويتضرع للة

فليس لنا رب سواة نريدها توبة امة تتوب وتاوب الى اللة

قال تعالى (ولا تهنوا ولا تحزنوا وانتم الاعلون ان كنتم مؤمنين )

شوفتوا عظمتنا عند بارينا اد اية هو بيحبنا اد اية جل جلالة

رافع من شاننا هل احنا نستاهل كل دة هل احنا نستاهل كرمة لينا

شايفة ان الاجابة هى الصمت امام عظمتك يا رب

( ربنا لا تاخذنا ان نسينا او اخطانا ربنا ولا تحمل علينا اصرا كما

حملتة على الذين من قبلنا ربنا ولا تحملنا مالا طاقة لنا بة واعف

عنا واغفر لنا وارحمنا انت مولانا فانصرنا على القوم الكافرين )

وجزاكى اللة خيرا اختى على الموضوع الاكثر من رائع وربنا

يجعلة فى ميزان حسناتك وتقبلى مرورى

يارب أنا عبدك وابن عبدك ابن أمتك ناصيتى بيدك ماض فى حكمك

عدل فى قضائك أسئلك

بكل اسم هو لك سميت به نفسك
أو أنزلته فى كتابك
أو علمته أحدا من خلقك
أو أثتأثرت به فى علم الغيب عندك

أن تجعل القرآن العظيم ربيع قلبى
ونور صدرى وذهاب همى وغمى

اللهم أهدنى الى أحسن الأخلاق يارب

اللهم أبعدنى عن الذنوب والمعاصى

اللهم أحفظنا فى ديننا ولا تجعلنا نعصيك

اللهم أنا محاطين بجو من الفتن والمعاصى فأحفظنا من الزلل والخطأ بحفظك يارب

اللهم أذن لشرعك أن يسود

وأذن للأسلام أن يحكم

اللهم أجعلنا نحكم بالأسلام والقرآن والسنه
ولا تجعل أحد يحكمنا بغير منهاجك

اللهم حرر الأقصى من أيدى اليهود الغاصبين

اللهم أنهم لا يعجزونك فأرنا فيهم عجائب قدرتك

اللهم دمر أمريكا واسرائيل كما دمرت عاد وثمود

اللهم أن عاد قالت من أشد منا قوة
فقلت أن الله أشد منهم قوة

وانتقمت منهم

اللهم أن أمريكا قالت من أشد منا قوة

فخذها يارب أخذ عزيز مقتدر

اللهم أذن للأسلام أن يحكم الأرض كما كان

اللهم وحد صفوف المسلمين

اللهم أهد حاكمنا ورئيسنا وولى أمرنا

وأرزقة البطانه الصالحة التى تدله على الخير

اللهم أهده للأسلام وأهده لألتزام بالقرآن وسنه الرسول " صلى الله عليه وسلم "

اللهم أن كان لا يعرف الحق والصواب فاهده يارب الى الحق والطريق المستقيم

واللهم أن كان يعرف الحق ويستكبر فانتقم منه كما انتقمت من فرعون

وأبدلنا بحاكم بحكمنا بشرائعك وأوامرك ونواهيك يجعل القرآن هو دستورنا
ويملا مصر عدلا كما ملئت ظلما وجورا

آمين