7 أسئلة فى الحب

موضوع: 7 أسئلة فى الحب السبت مارس 28, 2009 4:28 am

بــسم الله الــرحــمن الرحــيــم

انا حبيت اعمل الموضوع ده عشان نتناقش كلنا فى المشاكل الشائعة فى علاقتنا بالأجناس الأخرى

انا عندى شوية اسئلة

1- اية هية اول مشكلة بتحصل فى اول علاقات الارتباط وسببها
2- لية بعض البنات والشباب رفضين مبدأ الحب من بابه ( وياريت السبب يكون مقنع)
3-ما هو حكم الدين فى الحب ( الحب بتعنا المعروف بتاع اسامة منير هههههههه)
4- لية بعض الشباب مقتنعين بفكرة البنت اللى احبها متجوزهاش (اللى يمشى معاها يعنى ، والسبب برده يكون مقنع)
5- هل فعلا لولا الحب ما وجدت لزة الحياة
6- وهل أيضا الحب يوضع قبل الكرامة أم العكس
7-والحب الاول سهل نسيانه أم من المستحيل

حلوه الاسئله دى يا نور
كتر خيرك ان الاسئله دى جبتهالنا هنا
بس انا للاسف مش هجاوب دلوقتى
غير لما اشوف اراء ولاد الاول
وشكرا مره تانيه على موضوعك

حلو اوى الموضوع ده للنقاش يا نور
انا كنت هرد من فتره كده بس بعد ما كتبت النت فصل
المهم

1- اية هية اول مشكلة بتحصل فى اول علاقات الارتباط وسببها
مقدرش ارد عليك بصراحه لانها مش مشكله واحده بتحصل للكل
بس المشاكل عاديه اكيد يعنى مش متفاهمين مردتش عليه فى التليفون كده يعنى

2- لية بعض البنات والشباب رفضين مبدأ الحب من بابه ( وياريت السبب يكون مقنع)
لو تقصد من بابه دى ان الواحد يتقدم الاول ويبقى داخل وطالع والناس عارفه احب اقولك ان ده نادرا لان الغالبيه العظمى معندهاش القدره انها تخطب على طول واعتقد السبب مقنع

3-ما هو حكم الدين فى الحب ( الحب بتعنا المعروف بتاع اسامة منير هههههههه)
والله اللى اعرفه ان الحب حرااام اللى هو الحب بتاع اسامه منير ده بمعنى تانى اى اتنين بيحبوا بعض من غير خطوبه بيبقى حرام
حتى لو كانت نيتك خير زيى كده
مش عايزين نضحك على بعض

4- لية بعض الشباب مقتنعين بفكرة البنت اللى احبها متجوزهاش (اللى يمشى معاها يعنى ، والسبب برده يكون مقنع)
انا مش ماشى على المبدأ ده
بصراحه انا كلمة اكتر من بنت وكنت بحبهم هتقولوا ازاى معرفش
واللى هيجننكوا اكتر انى كنت ناوى اتجوز كل واحده ف وقتها
يعنى وقت ما كنت بكلم فلانه كنت ناوى اتجوزها
ولما كنت بكلم فلانه كنت ناوى اتجوزها مع العلم ان كل واحده كانت ف فتره غير التانية

5- هل فعلا لولا الحب ما وجدت لزة الحياة
ممممممم فى حاجات كتيييييير اوى غير الحب طبعا
بس احنا معشر الشباب لو مكنش فى عندك مشاعر تجاه واحده معينه هتلاقى نفسك زهقان ومدايق والحاجات دى
انا كنت كده بس الحمد لله اقتنعت ان الواحد يصبر ويستنى نصيبه

6- وهل أيضا الحب يوضع قبل الكرامة أم العكس
انا عندى كرامتى فوق كل شيئ

7-والحب الاول سهل نسيانه أم من المستحيل
لو قلتلى لو رجع بيك الزمان تتمنى ايه اقول ارجع لحبى الاول
بس قول للزمان ارجع يا زمان زى ما قالتلى
******************************

شكرا لردك يامصطفى بس انا عندى تعليق انت جوابك فى السؤال التانى مش مقتع
انا بتكلم على الشباب والبنات اللى رافدين مبدأ الحب من بابه مش لازم خطوبة على سبيل المثال هنفترض دلوقتى انت شفت واحد وعجبتك بس انت مش مبين حاجة للناس ولا ليها لو قعدت تفكر اصل انا لازم اكون خطبها عشان مظلمهاش معايا والكلام دة يبقى مش هتحب حد خالص وبعدين على فكرة الفكرة دى اللى مقتنع بيها اكتر البنات بس لية... اعتقد ان مفيش سبب

وشكرا لردك تانى مرة

اظن كدة تقدرى تجاوبى يا آيات مصظفى جاوب اهه
عايز اشوف رأيك

اية هية اول مشكلة بتحصل فى اول علاقات الارتباط وسببها

بص السؤال ده انا مجربتوش
بس هحاول اقولك من وجهة نظرى
البنت مثلا : طيب انت هتيجى تتقدم لاهلى امتى ؟ طب ايه أخرة الحكايه اللى احنا فيها دى والله أعلم
ممكن سببها بقى
خوف البنت من نهاية العلاقه أو انها متكملش وكده لو حد من أهلها عرف
وكمان الكلام اللى هى بتسمعه من كل اللى عارفين الحكايه سواء بنصايح أو ............

- لية بعض البنات والشباب رفضين مبدأ الحب من بابه ( وياريت السبب يكون مقنع)
بص انا مش فاهمه السؤال اوى
بس لو زى مصطفى مامجاوب يبقى اكيد مش البنات هى اللى بترفض الحب من بابه
بيبقى أكيد الولاد فى معظم الاحيان مش دايما
ما بقى لو بنت عملت كده
يبقى دى بقى بنت عايزه تعيش حياتها وعدى كل حاجه

3-ما هو حكم الدين فى الحب ( الحب بتعنا المعروف بتاع اسامة منير هههههههه)
لو هنيجى بقى نتكلم فى الدين وكده
الحب اصلا اللى احنا عارفينه دلوقتى كله حرام سواء اسامه منير أو غيره
الحب اللى فى الدين هو حب الزوجه لا غير مش اى حد تانى
4- لية بعض الشباب مقتنعين بفكرة البنت اللى احبها متجوزهاش (اللى يمشى معاها يعنى ، والسبب برده يكون مقنع)
السؤال ده بالتحديد مش انا اللى اجاوب عليه
الولاد هما اللى يجاوبوا
5- هل فعلا لولا الحب ما وجدت لزة الحياة
المقوله دى من وجهة نظرى للحب بجميع انواعه
يعنى حب الابن حب الاب حب الناس حب الرسول عليه الصلاة والسلام
الحب بالمعنى بتاعنا ممكن
6- وهل أيضا الحب يوضع قبل الكرامة أم العكس
بص يا نور الحكايه دى نسبيه جدا
لو أمثله انا بشوف ناس الحب مبهدلها ودايس على كرامتها
انا عن نفسى مبحبش الكلام ده
ولو جت اللحظه اللى انا هختار فيها بين حبى وكرامتى
أكيد هختار كرامتى طبعا بلا شك
7-والحب الاول سهل نسيانه أم من المستحيل
امممممممممممممم
أعتقد مستحيل وبرده الله أعلم
نسبيه برده شويه
او يمكن عشان مجربتهاش مش عارفه أجاوب أوى
معلش يا جماعه طولت عليكو
ويا ريت مكونش دايقتكو برأيي

شكرا لردك يا ايات بس على فكرة السؤال التانى

صدقيني البنات هما الاغلبية فى الموضوع ده لأن تقولك انا هنتبه لدراستى وحياتى

وبتحس ان الحب هياخد كل وقتها ويخليها تترك كل مهم فى حياتها ممكن للولد تبقى صعبة شوية انه ميحبش اكيد بيجيله يوم وقلبه يرق لواحده

اما بالنسبة للبنات البنت عندها استعداد متحبش حد لحد متعنس اه والله انا شفت ناس كتيييييير بالنظام دة

وشكرا لردك يا ايات

معلش يا نور انا كنت فهمت السؤال غلط
وبالتالى جاوبت عليه غلط
انت أكيد قصدك
يعنى هى متحبش أصلا من الاول ...........
صح؟؟؟؟؟؟؟؟؟؟؟؟
لو كده
أقولك عندك حق ان البنات بيبقى عندها كده بس طبعا مش كلهم
وبتقول صح المذاكره والكلام ده
بس انا من وجهة نظرى بيبقى عندها حق
مع انى مش مطبقه الكلام ده خالص مش على طول الحب بيعطل ولا ايه؟؟؟؟؟؟؟؟؟؟؟؟؟

طبعا الحب عمره ماعطل بس الانسان هو اللى بيستخدمه غلط

وعموما تسلمى لردك يا ايات

حلو الموضوع يا نور

1- اية هية اول مشكلة بتحصل فى اول علاقات الارتباط وسببها

بما انى جربت الحب اول مشكلة بصراحة كانت بسبب اعدتنا على النت كنت ديما ببقي عوزة اكلمه وهو يا عينى طبعا بيبقي وراه سفر كل يوم بدرى بس هو بصراحة بيحاول على اد ميقدر ميزعلنيش

2- لية بعض البنات والشباب رفضين مبدأ الحب من بابه ( وياريت السبب يكون مقنع)

بيكون كل واحد نفسه يخلص دراسه وبيكون الطرفين عوزين العلاقة تبقي رسمى على طول بيكون طبيعى انهم يرفضوا المبدا

3-ما هو حكم الدين فى الحب ( الحب بتعنا المعروف بتاع اسامة منير هههههههه)

هو انا بسمع ناس بتقول حرام بس من ساعة ما وعيت على الدنيا وبدا افهم وانا لقية الناس اعدة تحب فى بعض هههههههههههه

4- لية بعض الشباب مقتنعين بفكرة البنت اللى احبها متجوزهاش (اللى يمشى معاها يعنى ، والسبب برده يكون مقنع)

بص هو المفروض ان الشباب اللى تجاوب بس ديما بلاقى كتير بيفكروا كدة وديما اللى بيكون بيعلق بنات كتير ديما بيكون شكاك جداااااااااااااااااااا

5- هل فعلا لولا الحب ما وجدت لزة الحياة

الحب شئ جميل بس مش كل شئ فى الدنيا فى حاجات احلى بكتير

6- وهل أيضا الحب يوضع قبل الكرامة أم العكس

انا شيفة ان الاتنين واحد بيكملوا بعض وكل واحد منهم مينفعش ينفصل عن التانى

7-والحب الاول سهل نسيانه أم من المستحيل

مش مستحيل ابداااااااااااااااااا الانسان بطبعة نساى لو لاقى حب جديد يستحق هينسه 100 %

تسلمى على ردك يا نوسة ردود مقنعة جدا

هههههههههههههههههه انا اللى اكسب يعنى

ايوة انتى اللى كسبتى سقفة عشانها ياجماعة

ههههههههههههههههههههههههه
هيييييييييييييييييييية انا اللى كسبت

زائر

1.اول مشكلة غالبا بتكون اما البنت علت صوتها علي الولد او اديتله معاد ومفضتله
2.اما لاسباب دينية او عائلية او معقدين وطبعا ممكن يكونوا هم الصح بس انا مش منهم
3.الحب بتاع اسمة منير لا يجووووووووووووز بس ربنا بيغفر
هو عامة الاختلاط حرام
بس انا اعرف ناس لسه بتحب من الشباك
وبيحبوا وكل تفكيرهم في انه يتجوز اللي بيحبها
وعتقدش دول حرام
4.انا عن نفسي مش مقتنع بكده
بس في فرق بين اللي امشي معاها متجوزهاش وبين اللي احبها متجوزهاش
الجملة التانية دي هبل بس الجملة الاولي انا شايف ليها سبب
لان البنت اللي تمشي مع واحد بمعني المشي اللي نعرفه كلنا متنفعش تبقي زوجة محترمة
5.لا بالعكس الدنيا هتبقي حلوة اويييييييي لو الواحد موقعش في غرام بنت او العكس
بس طبعا لازم يكون في حب غير حب اسامة منير
يعني احب اهلي اصحابي كده
6.لا طبعااااااااااااااااااا الكرامة اولا
لان ببساطة محدش عمره هيحب واحد اكتر من نفسه او العكس
فاكيد كرامته دي من حبه لنفسه فمش هيقبل لاي حد (بيحبه اقل من نفسه) انه يجرحها
7.انا رايي ان اي حاجة في الدنيا بتتنسي
اقولكم مثال
لو بعد الشر والدتك ماتت بعد 40 سنة هتفضل حزين انها ماتت؟
معتقدش
هاتولي حد بقي هتحبه اكتر من امك

انا بس عايز اعلق علي ايات في السؤال الاول
هتتجوزني ايمتا دي بتبقي اخر خناقة
وبعدها بتنزل النهاية
ههههههههههههههههههههههههههه Smile