هل من الممكن ان تحب شخص لم تره في حياتك؟؟؟

بس يا محمد انت عندك حق بس فى اوقات كتير قبل اى وعد لازم نحكم عقولنا لان مش كل انسان هيكلمنا ونحب صوته او كلامه خلاص نصدقه لان علاقات النت مش كلها صادقة
شكرا على مواضيعك الجميلة

بص يا محمد


هو بأى حال من الأحوال مش ينفع إننا نقول عليه حب أبداً

ممكن نقول توافق فى وجهات النظر أو إسلوب التعبير ده لوكان فى صدق فى الكلام

لكن الحب ده عمره ما يحصل غير من خلال التعامل المباشر و المواجهه الفعليه


لكن للأسف

معظم الناس من خلال النت عمرهم ما بيظهروا على طبيعتهم

و هى د المشكلة

لكن لو فى صدق ما بين الناس سواء كان من خلال النت أو غيره


أكيد إن المواجهه و المقابله الحقيقيه هتكون مش تختلف كتيير عن الإنطباع المكون من خلال

الكلام المسموع أو المقروء

انا رأيى ان اللى بيحب حد قبل ما يشوفه يبقى غبى ومبيفهمش

قال العرب: "الاذن تعشق قبل العين احيانا"

المقوله دى اول مره اسمعها بس عجبانى

تسلم ايدك يا حمو
مواضيعك هايلة

مشكورين جميعا علي ارائكم الجميلة


منورين

انا طبعا برفض الحب بالطريقة دي واء نت او تليفزيون
والحب الي بيدعيه الجماعة الي احنا بنشوفهم اعدين على السلالم في الكليات وفرحنين وآلايه اسمه مانتمين
والي بصراحة عوزة اقول لكل لبت ممكن تكون بتعمل كده وبتصاحب ان اد ايه بعد كده حتنقص من نظره لان اي واحد عاوز يتجوز بيكون عاوز ام تصون بيته وتحميه في وجوده وغيابه لكن لما يشوفها بتعد معاه عادي وتضحك وتتكلم وتمسك ايه وعادي خالص يبقى ايه
انا اسفة بجد يا جماعة بس بجد انا مستغربة من البنات دول لان هما الي بيساعدوا الشباب على كده محدش جبرهم على كده
فبجد ايه الي بقى يحصل لنا
انا اسفة اني طولت عليكو بس بجد انا بغلي من جوايا كل مشوف المناظر دي وازاي موافقين على كدة
وشكرا لموضوعك يا محمد

تسلم يا رامي علي المرور

ومنور يا جميل

اعتقد ان مينفعشى حد يحب د من غير مايشوفه انما ممكن يعجب بطريقته مثلا فى الكلام او برايه فى حاجه معينه بس

تسلم يامحمد على الموضوع

مشكورة اختي علي المرور

منورة والله

شكرا يا حمو عالموضوع الهايل ده بس عايزه اقول ان الحب هو نظره مش كلمه عالنت او الموبايل وكمان اصلا مفيش حاجه اسمها حب كله كدب فى كدب وغش وجرح واشتغالاااااااااااات

ميرسي يا ساد علي مرورك والرد الجميل دا


بس حاسس ان كلامك دا عصبي جدا وجاي من تجربة شخصية فاشلة

لكن مش معني كدة ان كل الناس غدارين وان مفيش حب

تحياتى

بص يا حمووووو هى مش كانت تجربه تقدر تقول عليها خدعه بس زى ما انت بتقول فعلا صوابعك مش زى بعضها بس انا مقتنعه ان ما فيش حاجه اسمها حب ممكن تقول تعود او ارتياح

كل واحد ورايه يا بطة..بس صدقيني اسف يعني لو كنتي اختارتي صح مش كنتي هتقولي كدة